2015年5月10日 星期日

第一個母親節 Yumiko晒餅印合照 梁詠琪:看著她笑就是最好禮物 Yumiko,Yumi,尹秦睎,梁詠琪,鄭希怡,



首先祝大家母親節快樂。今年娛圈喜事特別多,唔少藝人都升級成為新任媽咪,首次以媽咪身分過母親節。

上月生咗囡囡梁浸浸嘅Yumiko,應該體會好深,事關囡囡出世冇耐就要轉醫院入ICU,情況一度令人擔心。好彩Yumiko兩母女吉人天相,囡囡平安出院。啱啱滿月嘅梁浸浸非常可愛,五官極似媽咪,難怪Yumiko今朝忍唔住晒餅印合照,仲自己同自己講:「祝我母親節快樂。」

而做咗人媽咪兩個幾月嘅梁詠琪,今朝亦喺fb寫下第一次過母親節嘅心聲,「清晨醒來做的第一件事情,就是餵哺小baby來迎接人生中第一個母親節!看著她笑,大概就是母親節最好的禮物。謝謝你的依賴,謝謝你讓我明瞭什麼叫無條件的愛!也請你慢慢地長大,你真的大得太快了!祝天下的母親,母親節快樂!」睇埋佢哋兩母女合照,真係好溫馨呀!

鍾意就快D Share啦!
Related Posts Plugin for WordPress, Blogger...