掃呢頁CODE去手機

2015年5月10日 星期日

星二代給母親的話 楊羚囝囝:想媽咪再做戲 楊羚,



星二代給母親的話 楊羚囝囝:想媽咪再做戲



其他影片:>>






星二代給母親的話 楊羚囝囝想媽咪再做戲

【母親節專題】

「養兒一百歲,長憂九十九」,從懷胎十月到學行走路,管教上學到上班工作,拍拖結婚到生兒育女,母親的愛總是無微不至。今天是一年一度的母親節,眾星的子女為迎接這個溫馨節日,出盡心思與法寶,合家歡享天倫、製作小心意,孩子又逐一向母親剖白自己的內心世界,細說「給媽媽的話」,藉着今日母親節,向母親說聲:「媽媽,我愛你!」而在神劇《大時代》中命運最坎坷的方家小妹楊羚,今日已變身幸福人妻,一家四口日前踩單車享溫馨,楊羚一對寶貝子女更趁機游說媽咪復出拍戲。

採訪:戴彩煥

神劇《大時代》方家四子女中,楊羚飾演的方敏命運最坎坷,慘遭丁益蟹強姦後染上性病,最終跳樓自殺。不過,現實生活中,楊羚卻是最幸福美滿一個,有疼錫她的丈夫Albert,更有一對寶貝仔女。

當年飾演膽小怕事學生妹的楊羚,如今已是兩個小孩的母親;13歲大仔黃樂天Eden是中一學生,長得高過母親,9歲囡囡黃樂童Christy正讀小學四年級,跟哥哥甚有運動細胞,分別奪得田徑金牌,令楊羚最感自豪。

為全心全意照顧家庭,楊羚過去13年沒正式接拍電視劇,只偶爾客串港台劇集及電影演出,包括《竊聽風雲》中飾演古天樂太太,近日《大時代》重播掀起熱潮,令楊羚戲癮發作,連一對子女亦希望媽咪復出拍劇。



■楊羚跟老公Albert、囝囝Eden和囡囡Christy踩單車慶祝母親節,一對子女更趁機游說媽咪復出拍戲。

攝影:仇志德



【冧爆錫錫】

■Christy和Eden錫錫媽咪,答謝媽咪年中無休貼身照顧,令到楊羚甜到入心。



【貼心抹汗】

照顧子女辛苦過拍戲

今日是母親節,47歲楊羚日前跟一對寶貝子女及老公Albert在元朗踩單車享溫馨,Eden和Christy更親自畫公仔送給媽咪作母親節禮物,又齊齊錫錫媽咪,感激媽咪一年365日全年無休貼身照顧。近日《大時代》重播掀起全城熱話,身為電視迷的囡囡Christy,也要跟哥哥湊熱鬧追看,Christy醒目地笑說:「套劇係20幾年前嘅。上網睇咗兩集唔見媽咪,所以睇咗兩集就冇睇,跳去第四集(楊羚其實於第六集才出場)。」怕醜的Eden則謂:「我有睇過媽咪做戲,都想媽咪再做戲。」

《大時代》深夜重播,若非翌日假期,楊羚也絕不會讓子女深夜睇電視影響學業。對於劇中有不少暴力鏡頭和不雅用語,楊羚不擔心小朋友會受影響:「佢哋開始大個,唔需要箍得佢哋咁緊要,我個仔間學校都有人講粗俗說話,起碼要畀佢知道邊啲應該講,邊啲啱、邊啲錯,我會陪佢哋一齊睇,講畀佢哋知邊啲邊啲錯。」

一對寶貝仔女希望媽咪復出,楊羚坦言亦有戲癮:「時間許可都想㗎,不過𠵱家最需要我嘅係家庭,娛樂圈有咁多人,少十個一百個唔係一個大問題,喺我心目中,兩個小朋友係最重要,冇嘢緊要得過我兩個寶貝。」昔日拍劇雖然日夜顛倒,但楊羚笑言照顧小朋友還更辛苦:「辛苦好多,拍劇放咗工係自己時間,冇通告嘅時候鍾意瞓到幾點就幾點,做咗媽咪之後就冇假放,連去旅行都唔放心放低佢哋,同佢哋一齊去旅行嘅話,我仲辛苦過喺香港。」



【兄妹製卡】

■Eden與Christy畫公仔送給媽咪,祝媽咪母親節快樂。



讚《大時代》玲姐超偉大

《大時代》中方敏是個勤力好學的學生,High Level取得7A好成績,但現實生活,楊羚不曾給予子女任何讀書壓力,她說:「小朋友唔一定讀書要好叻好叻,最緊要開心健康成長就足夠。我覺得𠵱家幾好吖,個個健健康康,開開心心。作為媽咪,我最自豪係佢哋兩個運動細胞幾好,個仔攞過區際同校際跨欄金牌,個女攞過校際60米賽跑金牌,佢哋跑得好快,追極都追唔到,經常跑到我氣咳。」

今日是母親節,楊羚不期然想起《大時代》中含辛茹苦湊大她與劉青雲、吳詠紅及李麗珍幾兄妹的玲姐(藍潔瑛飾),她說:「劇裏邊玲姐係一個繼母,又咁後生,放棄晒自己所有嘢去照顧我哋,真係超偉大。」



【讚玲姐偉大】

■藍潔瑛飾演的玲姐在《大時代》中犧牲畢生青春,以繼母身份湊大四子女,在楊羚眼中十分偉大。



【演古仔老婆】

■楊羚早年曾客串電影《竊聽風雲》做古天樂的太太。

劇照

鍾意就快D Share啦!