掃呢頁CODE去手機

2015年6月26日 星期五

奇招博做個唱嘉賓 艾美琦嗲爆李龍基 [忽然1周 - 1039] 艾美琦,李龍基,MW,



李龍基示範唱歌, Amy(右)同 Ava(中)為他打拍子。李龍基多了兩個小 fans,難怪咁得戚。

娛樂喧

奇招博做個唱嘉賓 艾美琦嗲爆李龍基

現年六十四歲的「皇帝歌王」李龍基,為慶祝入行 40年, 7月 20日在文化中心舉行個唱。不過其表演嘉賓並非同輩的唱家班,反而係𡃁模 Amy(艾美琦)及 Ava(成鎵羽)。早前三人一同練歌, Amy一路練一路向李龍基發姣功,至於 Ava更俾錢贊助李龍基個唱。兩個𡃁模咁識𠱁「皇上」歡心,難怪吃得開。

從前為了宣傳寫真集, Amy曾主動向伯伯送秋波。 Amy冧男人,向來有一手。

早前在李龍基個唱宣傳活動上, Amy(艾美琦)及 Ava(成鎵羽)以爆乳宮廷裝扮妃嬪,李龍基則穿上西式皇帝服出場。當時李龍基宣布兩人為表演嘉賓,而非昔日合作開的朱咪咪及黑妹,令人意外。

原來李龍基今次搵 Amy及 Ava做嘉賓完全是俾面黃夏蕙。「 Amy係黃夏蕙契女,夏蕙姨知基哥開騷,於是穿針引線,嗌基哥俾 Amy上台表演。 Ava就係 Amy介紹俾基哥嘅, Ava都驚自己未夠班,所以主動攞六位數字銀碼出嚟, sponsor基哥演唱會。基哥見佢咁有誠意,咪預埋 Ava一份囉。」知情人士透露。

開會已經嗲

上周四( 18日),本刊到錄音室直擊李龍基、艾美琦及 Ava練歌。 Amy出盡嗲功,問李龍基二人合唱部分點嗌,李龍基要求二人要用丹田唱歌。嗲聲嗲氣的 Amy即時發姣功,問基哥丹田位置,又問李龍基點樣喺夜場擋酒?有後生女當正自己係偶像,李龍基感到飄飄然,笑到見牙唔見眼。

「頭幾次開會,見到 Amy對基哥咁嗲,我哋都睇到眼突突。不過後來基哥老婆出現, Amy梗係收斂啦。佢知基哥喺呢行吃得開,其實想佢多啲帶挈自己啫。」工作人員表示。

姣問皇上

Amy嗲聲嗲氣問李龍基丹田位置,仲想捉住李龍基隻手叫佢 feel吓。李龍基雖然冇摸落去,不過就笑到見牙唔見眼。

捉監製手

見到錄音室監製 Anthony, Amy喺佢面前不停跳跳紮,又借啲意捉住對方手仔提問,不過 Anthony就冇乜理佢,衰咗!

𡃁模科水博上台

演唱會當晚, Amy將會同李龍基合唱〈只有情永在〉,而 Ava就獨唱〈新不了情〉。問到點解搵艾美琦同 Ava做嘉賓?李龍基又咁樣答喎:「我一向鍾意提攜新人,佢兩個唱歌 OK吖。」他表示還有其他唱家班,不過名單就未確定。

問 Ava有冇贊助李龍基?她直認︰「唔好話咩 sponsor,小小心意啫!」𡃁模為達目的,真係無所不用其極!

Amy教路

Amy同 Ava老友鬼鬼,出場前, Amy仲教 Ava點樣托靚個胸。

皇上出巡

6月 6日,李龍基一身西式皇帝 look宣傳個唱,仲拉埋 Amy(右)同 Ava谷胸扮妃子。

個唱海報除了大大個李龍基,就只有 Ava有落相,可見她並非一般嘉賓咁簡單,有錢真是唔同啲。

反應唔錯

截至本周二,李龍基個唱 250蚊飛已經售罄, 480蚊飛只餘下少量,反應唔錯。

Amy同黃夏蕙同屬李文瑋(右)旗下藝人,黃夏蕙更認 Amy做契女。

叔叔撐妹妹

圈中不少男前輩都樂於提攜女新人,俾機會她們公開演出。

學友王菀之合唱

王菀之是學友國語歌〈我真的受傷了〉的作曲人, 04年 10月張學友更邀請當時還未正式出道的王菀之在其個唱做嘉賓。

歌神揀 Gigi官恩娜

99年許冠傑擔任舞台劇《仲夏夜狂想曲》創作總監,他起用了當時未紅的梁詠琪做主角,有指該劇勁蝕二千萬。

官恩娜一出道即成為許冠傑旗下組合「 Sam’ s Angel」成員,後來官恩娜更擔任他的演唱會嘉賓。

城城熊黛林拍 MV

06年,郭富城拍攝〈風之子〉 MV,欽點細自己 15年的熊黛林擔任女主角,後來城城更與熊黛林撻着。

鍾意就快D Share啦!