插圖： Wendy
揞名爆
「銀生」表面 gentleman內裏勁 trouble
媽咪姐成日同啲世姪女講，男神呢，遠觀就好。行近啲？有排你受呀！
係咁意講個 case啦，話說好幾年前，迷倒萬千少女、斯斯文文嘅「銀生」喺香港拍戲。某場戲喺大廈天台拍攝，本來清清靜靜，拍得好順利。點知「銀生」等埋位嗰陣，四圍咁望，結果俾佢見到對面大廈嘅居民望緊佢哋拍戲，即刻面都黑埋，大聲嗌工作人員過嚟。
你估「銀生」有乜要求？勁嘞，佢竟然同人講：「對面有人望住我，你幫我搞掂佢！」嘩，工作人員心諗，人哋棟大廈高過我哋，人哋喺自己屋企望過嚟睇下熱鬧，合情合法合理噃！點搞掂佢呀大佬？但「銀生」唔理，係都話唔要有人望住佢，野蠻到呢。
哈，你又估唔估到工作人員點搞掂「銀生」？咪就係第二日特登買個單人帳篷返嚟，同阿「銀生」講：「你行入去坐，就冇人見到你嘞，千祈唔好行出嚟㖭呀，好危險㗎。」結果「銀生」咪死死地氣入去坐，冇聲出
邊個係「銀生」？
1.高大靚仔㗎。
2.仲有外國血統㖭。
|
鍾意就快D Share啦！
|
|
|
