全城熱爆的娛樂八封新聞 & 時事趣聞 & 生活 + 趣聞
米雪奧巴馬同 16歲大女 Malia、 14歲細女 Sasha喺意大利做完慈善訪問，行緊去搭私人飛機返美國，三母女身形都勁 fit呢！
講起 fashion icon，英國就有着乜 hit乜嘅凱蒂王妃，美國呢？你唔係唔識總統夫人米雪奧巴馬吓話！
喺父親節當日（ 21日），總統夫人忙住上機，但佢都 post張奧巴馬赤膊湊女相上 ig多謝老公， so sweet！
當個個星都當機場係「天橋」，襯晒衫先入閘嘅時候，奧巴馬夫人就勁嘞，佢條「天橋」係總統夫人專機嗰條梯呀！單單呢個禮拜，佢同兩個囡囡就飛咗 3次，一身打扮次次襯到絕，三母女仲夾埋色 tone㖭。奧巴馬夫人咁 trendy，真係點睇都唔似五十有一，龍蝦夫人唔該學吓嘢
喺米蘭落機，米雪奧巴馬嗰條印花半截裙設計大方，用色有開心感覺，着得佢好 young。兩個女就齊齊着低調灰裙，唔搶阿媽鏡。
「 Fashion Week」首站係倫敦，米雪奧巴馬特登着番條倫敦品牌嘅黃藍喱士裙，又 sharp又端莊，而大女 Malia就着向日葵印花藍裙襯番阿媽。
