掃呢頁CODE去手機

2015年6月26日 星期五

Mandy生完極速fit番 洗米華飛新加坡陪行街 洗米華,Mandy Lieu,Mandy,周焯華,





其他影片:>>






混血名模Mandy Lieu今年5.20於倫敦一間醫院水中分娩為周焯華(洗米華)誕下B女,比洗米嫂陳慧玲搶先一步為洗米華生下「華種」,當時Mandy留咗喺倫敦坐月,洗米華就急趕返香港「交人」,兼陪老婆Heidi由澳門去香港養和待產,令5月30日剖腹誕B嘅洗米嫂大怒,目前Heidi同Mandy同樣生女算係喺生B戰上打成平手。

本報噚晚收到讀者報料,洗米華去咗新加坡陪Mandy,Mandy更修身成功,生完B女仍然fit到漏,生完B一個月後,就回復火辣身材,同人夫洗米華去咗行街,不過,就未有親暱舉動,睇嚟洗米華好忙,又要照顧Mandy,又要返港澳陪老婆Heidi,識分身都夠晒攰!

據知,噚日太陽娛樂文化搬遷開張,洗米華作為老闆都懶理搬office,走咗去新加坡陪Mandy,真係錫到Mandy燶喇!

(讀者提供圖片) 「進撃的Mandy」極速回復火辣身材。 洗米華真係去咗新加坡陪Mandy!
噚日太陽娛樂文化搬遷開張。 洗米華作為老闆,冇影! 由一班好員工搞掂!
鍾意就快D Share啦!