熱爆娛樂: 賭波輸錢　傳向華強兒子向佐被追債100萬向佐,向華強,

2015年6月15日星期一

賭波輸錢　傳向華強兒子向佐被追債100萬向佐,向華強,

近日一位名為「電兔先生Eugene」嘅網友喺微博爆料，指向華強兒子向佐借咗佢100萬，足足一年都未還。該網友仲PO埋問向佐追債嘅微信對話記錄㖭。

根據對話記錄，向佐喺上年7月尾借咗100萬，之後該網友就多次同向佐追債，但幾個月來向佐都喺咁推，一時話需要時間籌錢，又叫對方俾多一個月時間，仲一度將「債主」加入黑名單。「債主」仲話，筆錢係向佐喺世界盃期間賭波輸錢而問佢借嘅。

而向佐媽媽陳嵐得悉件事後，嬲爆要求該網友刪除追債微博，否則咩都唔使傾，仲質問佢點解非要搞大件事㖭。睇嚟呢單嘢都有排搞。