2015年6月15日 星期一

賭波輸錢 傳向華強兒子向佐被追債100萬 向佐,向華強,



近日一位名為「電兔先生Eugene」嘅網友喺微博爆料,指向華強兒子向佐借咗佢100萬,足足一年都未還。該網友仲PO埋問向佐追債嘅微信對話記錄㖭。

根據對話記錄,向佐喺上年7月尾借咗100萬,之後該網友就多次同向佐追債,但幾個月來向佐都喺咁推,一時話需要時間籌錢,又叫對方俾多一個月時間,仲一度將「債主」加入黑名單。「債主」仲話,筆錢係向佐喺世界盃期間賭波輸錢而問佢借嘅。

而向佐媽媽陳嵐得悉件事後,嬲爆要求該網友刪除追債微博,否則咩都唔使傾,仲質問佢點解非要搞大件事㖭。睇嚟呢單嘢都有排搞。

鍾意就快D Share啦!
Related Posts Plugin for WordPress, Blogger...