2015年6月15日 星期一

星爺重出「江湖」 必睇硬啃爆缸梅小惠 星爺,梅小惠,周星馳,





其他影片:>>






神劇《大時代》重播,掀起全城熱話,無綫食住條水,安排《他來自江湖》跟尾今晚重播。周星馳、吳孟達、萬梓良、毛舜筠咁勁嘅卡士,認真冇得輸呀!

星爺嘅無厘頭風格萌芽自《他來自江湖》,飾演市井之徒「何鑫淼」,創作咗唔少搞笑金句,包括「坐低飲杯茶食個包」、「恭喜!恭喜!你老竇有喜!」、「先生幾多位?Mark開邊條仔?」、「好嘢,失禮,佩服」。

而講到必睇位,一定要數星爺同梅小惠一場爆缸私訂終身戲。話說梅小惠被人打到成頭血爆嚎喊,星爺為安慰佢衝口而出話「如果無人要你,我要你!」講完即行雷閃電,梅小惠即冧爆話:「你放心,我無人要架!」場面爆笑。

另外,星爺喺劇中熱唱香港80年代另類歌手兼indie元祖夏金城嘅「名曲」,好似〈為了靚靚〉、〈馬小靈〉等等,實行玩到盡!睇完沉重嘅《大時代》,再睇星爺嘅劇,緩和下氣氛,肯定又會掀起另一番追劇熱潮。
鍾意就快D Share啦!
Related Posts Plugin for WordPress, Blogger...