2015年7月5日 星期日

佗5個月超輕盈 鍾麗淇︰玩到唔記得自己大肚 鍾麗淇,鍾麗,



好多人話女人大肚嗰陣最靚,見到鍾麗淇我就信喇!

鍾麗淇女兒被確診患上「四號染色體缺損綜合症」,雖然照顧囡囡唔容易,不過無阻佢生肓計劃。上個月,佢宣布再度懷孕,「係有啲計劃,因為老公同我都有兄弟姊妹,老公知道我有咗非常開心,因為囡囡Isabella有多個伴。」佢仲話懷孕初期有唔舒服,「初初有咗嗰陣都有作嘔,個女又病,惹到我,所以都好辛苦,又有少少發燒。咁大個人都未試過咁攰,依家都停咗教瑜伽,會下個月先教番。」

隔咗1個月,今日鍾麗淇出活動,真係成個生猛晒。做開運動係唔同啲,佢唔止手腳纖幼,步履仲好輕盈,喺台上彈下彈下,完全唔似有咗5個月BB。心情極靚嘅佢,提起日前同湯盈盈去船P,特別興奮,「好好玩呀!有時玩到唔記得自己大肚,我哋帶啲小朋友去游水,游游下我老公就話叫我慢啲,有時真係會唔記得咗。依家呢個時間佗得最舒服,再大啲會論盡少少。」鍾麗淇個人咁開心,難怪佢佗得咁靚

鍾意就快D Share啦!
Related Posts Plugin for WordPress, Blogger...