朱慧敏結局寄意：你依然係我終點
無綫女藝員朱慧敏（Queenie）近月與男友彭懷安（Eddie）感情陷冷戰，婚期無限期押後，前晚她演出的處境劇《愛．回家》大結局，Queenie回歸可惜只得三個鏡頭，劇中又翻剪舊片段，她演的尹律師跟黎諾懿說：「你依然係我嘅終點，我哋會有結婚嗰日，只係我想遲啲。」不少網友戥她唔抵，戲外感情事慘遭「抽水」！現實中的Queenie則表示暫時專心工作，感情事放埋一邊。
34歲的前港姐亞軍朱慧敏年初決定與拍拖三年多的前EO2成員彭懷安於明年初結婚，可是Eddie於五月中被《好報》拍到夜會「長腿G.E.M.」，兩人感情出現暗湧，Queenie遂將婚期叫停並到外地散心，期間Eddie多次表示與未婚妻仍有聯絡，一於隔空箍煲！
網友不滿草草收場
Queenie情變期間仍收拾心情為處境劇《愛．回家》拍大結局，該集前晚播出，情節及對白與現實出奇地巧合！劇集末段「馬壯」黎諾懿獨自乘坐電車，回憶與Queenie角色「尹律師」的對話，當時尹拒絕馬壯求婚，並說：「你信我，你依然係我嘅終點，我哋會有結婚嗰日，只係我想遲啲。」故事結局為開放式，最後尹律師與馬壯相視而笑就起字幕，未有交代有否復合，而Queenie出現時間不夠一分鐘，只得三個鏡頭，亦沒有新對白，只是加插一段舊片段說：「你依然係我嘅終點……」引來一眾死忠粉絲發炮，有網友表示當日兩人的感情線曾為劇集帶來高收視，等了一段時間才等到Queenie回歸，如今竟草草收場，有網友說：「Alex（尹律師）究竟做得有幾錯要一句對白都冇！咩都冇交代過不如唔好叫佢出嚟！」有人不滿Queenie的真實感情世界被無綫抽水，戥她慘情。
劇集播出後，Queenie的戀事再受關注，在外地遊歷個多月的她近日已返港，心情似有好轉，昨日她以尹德如的身份在微博寫道：「天下無不散之筵席，曾經遇見，就是美好，願我們珍惜眼前人，活在當下，心懷感恩，明天一定會更好。尹德如和Queenie謝謝大家的愛與支持！」有網友對號入座，以為Queenie決定與Eddie分手，昨日本報求證Queenie，她說：「依家係專心工作，同Eddie有共識，以後嘅嘢遲啲先算。」似乎兩人仍處冷靜期，暫未有新決定。而Queenie近照昨日曝光，見她對住鏡頭開朗笑晒，但消瘦了不少。
監製：無聲勝有聲
至於Eddie日前表示會減少夜蒲，並指已獲Queenie原諒，對復合有信心，惟他昨表示暫不再回應感情事。
此外，《愛》劇監製徐遇安昨受訪，對於網友不滿Queenie在結局沒對白，他說：「有啲戲係無聲勝有聲，好講演員演技同鏡頭張力，夠嘅就唔使多對白，留畀觀眾想像。」至於疑將Queenie的感情事擺上枱，徐解釋：「籌備劇本係拍攝之前個半月，當時唔知佢哋發生呢件事，所以冇可能抽水。」
文：影視組
|
鍾意就快D Share啦！
|
|
|
