2015年8月25日 星期二

道具雀籠失蹤? 李家鼎開鏡攞燒肉取意頭



【農曆七月咁驚】道具雀籠失蹤? 李家鼎開鏡攞燒肉取意頭

2015-08-25 11:17:00



(資料圖片)

龍虎武師出身、現年69歲嘅資深藝人李家鼎(鼎爺),早前接受新城電台《娛樂旗艦店》主持路芙同董敏莉訪問,雖然鼎爺目前仍為無綫合約藝人,但喺訪問中,佢就大爆無綫嘅製作馬虎,古裝唔根據歷史又冇做資料搜集,又指唔少新人為「低頭族」只顧玩手機,演員對白服裝,全部都hea(新聞連結:http://bit.ly/1Lu2yNP)。

話晒鼎爺喺大台做咗成40年,算係見盡大台百態,不過,今日有周刊爆一個喺大台嘅工作人員指,鼎爺逢開鏡拜神就攞走啲拜神雞、燒肉同生果,唔知係唔係攞個意頭,又指鼎爺拍完劇,有時道具雀籠就「失蹤」,知情者更表示,有次一切準備就緒,但拜神時唔見咗隻雞,搞到劇組要再買番一隻,更有傳知情者問過鼎爺做乜嘢要攞走一大袋拜神雞、燒肉同生果,當時鼎爺話大台多流浪狗。其實,有唔少藝人都會攞,好似楊思琦咁,早年喺大台食燒豬,佢都會將骨打包,帶返屋企用嚟餵狗,藝人咁做確係常事!

周刊都有向曾同鼎爺拍《愛‧回家》嘅「木偶哥」林師傑同趙永洪求證,但係佢哋話冇聽過,而鼎爺就以大台拒絕接受訪問為由冇回應。

鍾意就快D Share啦!
Related Posts Plugin for WordPress, Blogger...