44歲鍾麗緹咬實「小鮮肉」新歡 拍拖3個月玩純愛
2015-08-25 07:30:00
近日44歲鍾麗緹(Christy)跟年輕11載內地型男張倫碩的姊弟戀鬧得熱哄哄，美魔女被指「吃小鮮肉」；只是，這口小鮮肉，Christy原來還沒「吃」進口。面對張倫碩，Christy坦言有愛的感覺，但進一步親密男女關係，Christy就高八度澄清:「冇呀！沒有呀！」小鮮肉張倫碩亦揚言:「如果萬一做了......節目的感覺就會變。」這段姊弟戀，原來發乎情，止乎禮。
Christy跟33歲張倫碩因為參與內地真人騷《如果愛》而被傳撻着。鏡頭前，二人投入去愛，鏡頭外，二人繼續攬抱；就像這天接受專訪，二人全程如糖黐豆般黐在一起，又拖手又唱情歌，以行動告訴大家，他們是一對的。
近日二人互笠高帽說話可聽過不少，倒想知道，二人是否真的在拍拖。Christy笑着說:「我哋喺節目裏面係男女朋友，所以我承認我哋係男女朋友。我哋3個月喺埋一齊，佢比我好多surprise，氹我、照顧我，呢啲感動係真㗎，人哋比你咁多surprise，你會唔開心咩？」
究竟鏡頭以外，二人有沒有更進一步的親密男女關係？Christy聞言高叫:「冇呀，沒有呀！」張倫碩亦強調:「如果萬一做了......節目的感覺就會變，我們要保持一個很簡單的love。如果真的拍拖，會有影響的。」將來會否有發展機會，Christy表示不知道，一切順其自然好了:「但一定會做好朋友，因為佢真係好好，好多嘢好夾，希望將來有機會可以一齊拍電影。」
鍾麗緹同張倫碩，都幾襯喎。
|
鍾意就快D Share啦！
|
|
|
