| 劉嘉玲設計的手錶正式開售。 | next 1/1 pre |
 | |
| 劉嘉玲抬手時，微露波邊，非常性感。 | next 1/1 pre |
 | |
| 背多fun，wow～ | next 1/1 pre |
 | |
| 劉嘉玲話偉仔瞓覺都戴住隻錶呀。 | next 1/1 pre |
 | |
| 劉嘉玲覺得好友王菲未有懷孕。 | next 1/1 pre |
 | |
| 劉嘉玲今日認真風騷。 | next 1/1 pre |
 | |
| 梁朝偉（資料圖片） | next 1/1 pre |
 | |
| 出活動就去咗歎茶。 | next 1/1 pre |
 | |
| 鄧霓儀（左） | next 1/1 pre |
影后劉嘉玲出席品牌活動，她以全黑大露背連身裙現身，抬手時更微露波邊，非常性感。其首個手錶系列將放置在品牌店內獨家發售，而身為品牌創作總監的她，更發揮其藝術天份，特別為新系列自畫肖像，並雕刻於錶面上。
偉仔瞓覺都戴
問到籌備了多少時間？嘉玲表示：「隻錶好靚！自己都好鍾意金色！籌備咗大半年左右，之前有同另一個品牌訂造自己手錶，覺得幾靚，將設計靈感再研發呢個系列！（銷量有幾多？）聽品牌講銷量好好，訂造咗五百隻！（咁少？）需要時間！」問到可有送上手錶給老公梁朝偉？嘉玲則表示：「有留畀佢！因為隻手錢男女都啱戴！（有咩建議？）佢都開始唔戴錶，因為手提電話方便，但佢都好鍾意。（叫佢日日戴住？）瞓覺都戴，因為夠輕。（之後會考慮做其他相關系列？）會分享自己鍾意嘅飾物，自己鍾意飲酒造酒，亦會有服裝系列，女裝為主！（畀偉仔試先？）手錶會畀，其他唔會畀！（Logo註冊咗？）已經註冊咗，品牌名係我嘅名速寫，亦都代表一路郁緊，你哋見我咁多年都冇停過，勞碌工作，有特別意！（同其他品牌聯乘？）冇限定，如果有鍾意嘅品牌都希望合作，唔會抺殺任何可能性！」
提到早前好友王菲被指再度懐孕？嘉玲則表示：「好耐之前有人問！我諗應該唔會啩！又再嚟？（同佢溝通過？）好耐之前問過話唔會，但唔係同呢個（謝霆鋒）喎！聽日呢個世界我會點，都好難講，但據我了解應該唔會，依家係歎世界嘅時侯，但有啲人可能鍾意一路生！」
試過喺股票市場損手
而對於今日股市大跌？她表示身邊朋友亦為股市而喊苦喊忽：「股票唔係好實在，買隻錶更實在，睇下都開心！股票係數目字，上上落落影響心情，加上依家社會世界唔安全，今日出席活動時馬路有駕法拉利爆炸，上海水災機場又水浸，注意安全，生命最重要！（自己有冇損手？）已經冇買，008（電訊盈科）之後已經斬手指，以外行人去買，以為自己係股神，一個好慘痛教訓！（咁買磚頭？）都要勤力啲賺錢！」
風騷去歎茶
出席活動後，嘉玲與公關好友現身銅鑼灣一個商場，同行還有兩名外籍保鏢，甫見記者拍照，向來親切的嘉玲即展露親切笑容，同記者朋友打招呼，並表示自己現在去飲茶，然後還叫現場記者一齊入去飲，非常nice！不過記者都好通氣，免得阻住嘉玲同朋友傾偈說畢嘉玲與友人進入該處餐廳，後來又有兩女友人前來會合，其中一位是嘉玲的生意拍檔鄧霓儀。
|
鍾意就快D Share啦！
|
|
|
