掃呢頁CODE去手機

2015年9月30日 星期三

闊太林夏薇去米蘭逛名店 老公尷尬塊面紅晒 林夏薇,





其他影片:>>






林峯28歲堂妹林夏薇今年7月秘嫁拍咗兩年拖、身家逾20億上巿公司董事莫贊生(Jason),一連兩晚喺山頂豪宅舉行婚禮同擺喜宴,只邀請堂哥林峯、未來堂嫂吳千語觀禮。

米蘭時間9月28號,當地時間約傍晚6點半,《蘋果》喺米蘭影到林夏薇同老公Jason行名店街Via Monte Napoleone,當時林夏薇拎住chanel小手袋,老公Jason就身穿Givenchy嘅衛衣及孭住呢個牌子嘅背囊。

林夏薇當日先同老公Jason入咗Hermès店睇飾物,再去上層睇手袋,林夏薇揀咗一陣都冇咩心水便離開,行街嗰陣,佢哋都冇好似「糖癡豆」咁,大家各有各睇,期間拖過下手,行行下,老公Jason就鬆開咗林夏薇隻手,腰間嘅位置,令件衫揭起咗。

林夏薇同老公Jason跟手就去咗CÉLINE間店,都係睇手袋為主,行咗5分鐘又出咗嚟,想入去對面Valentino店舖時,二人發現有記者在場,就連名店都冇入,急住走人。

問及林夏薇係唔係嚟度蜜月,佢笑住擰頭示意唔係,咁去邊度玩,林夏薇表示:「係歐遊!」咁係唔係算係度蜜月,佢甜笑話:「都算係嘅。」問到係唔係心急造人,林夏薇就笑而不語,行多兩步時,林夏薇又稱:「咁忽然(遇到記者)嘅。」老公Jason成程亦顯得好唔自然,塊面仲紅晒,似乎有啲尷尬,林夏薇同老公Jason繼續急步行,佢哋過馬路時都有拖下手。

另外,人妻林夏薇今日喺微博貼出泳照,大晒玉肉及纖腰,留言:「出自『攝影大C』J.M。」即係由老公Jason操刀影㗎喇!

(採訪:林嘉慈)(攝影:葉君海)(微博圖片) 林夏薇同老公Jason跟手就去咗CÉLINE間店。 大家各有各睇…
林夏薇嫁身家逾20億上巿公司董事莫贊生,生活尤如闊太… 老公被影時,紅都面晒! 發現記者,兩人急急腳走人!
venice️..fantastic!(微博圖片) (微博圖片) 林夏薇做model,由老公化身「攝影大C」影泳照。 (微博截圖)
鍾意就快D Share啦!