2015年11月6日 星期五

吳啟華硬啃215磅「女版Bob」黑晒面 Bob,吳啟華,林盛斌,



話晒都叫「小花殺手」,啟華今次夥拍噸位十足的日本諧星渡邊,認真「新鮮」!

next 1/1 pre

啱啱見面啟華都仲好開心,渡邊仲揮晒笑。

next 1/1 pre

未正式Roll機,渡邊已經翹實啟華手臂唔放。

next 1/1 pre

渡邊個樣就堅冧爆,不過啟華就黑口黑面唔多OK。

next 1/1 pre

雖然冇咀戲,但渡邊補妝時專心搽靚嘴仔,身後的啟華都唔敢睇。

next 1/1 pre

其中一幕係講啟華買花畀渡邊。

next 1/1 pre

渡邊收咗花雙眼真係充滿愛意,相反啟華就全身僵硬好似好驚咁款。

next 1/1 pre

期間渡邊掉咗枝花落地。

next 1/1 pre

仲係咁喪鬧啟華。

next 1/1 pre

跟住仲走咗去,不過啟華個樣真係好似鬆咗一口氣。

next 1/1 pre

吳啟華一反常態全晚都勁無奈,而且做訪問時多番強調同渡邊無親熱戲。

next 1/1 pre

一Cut機啟華(左)脫去外套,用背脊「得」住渡邊。

next 1/1 pre

快啲帶我去食燒鵝脾(設計對白)

next 1/1 pre

渡邊在日本是人氣諧星,經常變裝放笑彈。

next 1/1 pre

「小花殺手」吳啟華戲內戲外都與嫩口索女結下不解緣,近年緋聞拍檔黃心穎、朱千雪、蔡思貝,甚至前妻石洋子都是身形弗爆的後生女,但最近啟華竟轉「重口味」,與215磅日本諧星「女版Bob」渡邊直美在中環翹手扮拍拖,對啟華嗒晒糖的渡邊不時冧爆甜笑,相反啟華面對巨無霸似乎「鯨吞唔落」,全程面燶燶,一Cut機即走夾唔抖匿入商場,更多番強調與渡邊冇親熱戲,急急落閘以免大家「諗多咗」!

51歲熟男吳啟華入行逾30年,由80年代開始已跟多位當紅花旦傳緋聞,公開戀情的另一半亦全是後生索女,近年他復出拍劇,繼續化身磁石專吸索女埋身,包括《On Call 36小時II》的27歲朱千雪、《再戰明天》的26歲黃心穎及《純熟意外》的24歲蔡思貝,而其前妻則是較他年輕21載的長春姑娘石洋子,「小花殺手」稱號當之無愧,可見他跟普天下大部分男士一樣「專一」,對後生辣妹特別偏愛,加上他保養得宜形象官仔骨骨,難以看出真實年齡,冧女自然更「手到拿來」!

《皇庭》班底變特務

最近鄧特希起用《壹號皇庭》及《妙手仁心》班底,撮合啟華、陶大宇、蘇永康及宣萱等拍攝日本及馬來西亞投資新劇《隱世者們》,渡邊是日本演員代表,與啟華齊齊飾演特務,據知劇中將有不少打鬥、追逐、槍戰及飛車場面,更會到日本拍外景。

日前渡邊來港拍劇兩天,其中一晚與啟華在中環遮打道開工,二人以全黑「情侶裝」打扮到場,啟華身穿黑色西裝,渡邊雖然由頭黑到落腳,但依然難掩超豐腴身材,遠看猶如香港搞笑藝人Bob(林盛斌)反串一樣,期間有市民上前圍觀,更有人跟渡邊Say Hello,雖不知道是真正認得自己,還是被認錯做Bob,渡邊照樣親切地跟市民打招呼。

該晚劇情講述渡邊翹實啟華在名店前踱步,邊行邊密密斟,期間啟華見有賣花女童經過,即買下玫瑰氹渡邊,她含春冧笑回敬,但之後卻突然將鮮花拗斷丟開,再一輪嘴向啟華訓話,並拂袖而去。

食波餅乸口乸面

據知,拍攝前啟華宴請了渡邊吃她最愛的燒鵝,被餵飽的渡邊心情靚爆,經常笑住跟翻譯傾偈又撩童星玩,拍攝翹手胸壓啟華一幕時更變心心眼,情不自禁望實「小花殺手」冧爆甜笑,相反啟華拍慣青春索女,對渡邊的重量級身形似乎不太適應,出現「水肚不服」現象,被胸壓一剎那更恍如吃了酸梅乾般乸口乸面,心不在焉又眈天望地。一Cut機,「苦主」啟華即急急彈開,極速與渡邊保持安全距離,又多次以背脊「得」住渡邊,休息時更離奇「消失」匿入商場歎冷氣,相比過往跟其他小花風騷講笑的情況,與渡邊語言不通的啟華這晚突然「Mr. Cool」上身,全程顯得頗為冷淡兼面燶。

啟華請擦九大簋餵飽壓食欲

啟華受訪時表示,今次很高興可圓夢飾演型爆特務,但又多番強調與渡邊只是演特工拍檔,絕非演情侶,更自爆早已問過鄧特希,確保二人沒有親熱戲,他說:「呢場戲似係我哋拍緊拖,但其實係工作Partner,我哋冇感情線。(怕唔怕鄧特希突然加親熱戲畀你哋?)我已經問得好清楚!佢話冇!」

不過,啟華透露有盡地主之誼,拍攝前帶渡邊食靚燒鵝,更笑指其食量相當厲害:「佢食得好開心,不停多謝我,我話下次去日本佢請番我就得!佢都幾食得!頭先叫咗九個餸!」他又表示今次是被鄧特希的劇本打動,小小犧牲在所不惜:「演員揀戲首要係劇本,鄧生嘅劇本係我拍過最好嘅!知道將會去日本拍外景,有好多緊張刺激嘅場面。(準備要打?)呢兩年有操練,體能上應付到。(剝衫騷肌?)佢(鄧特希)冇講,應該唔使啩?電視劇應該保守啲。」

激讚Cool中有親切

另一邊廂,渡邊雖然表示未看過啟華的作品,但對他一見鍾情,狂派Like大讚對方充滿魅力,更笑言想加咀戲!她說:「佢Cool當中係好親切,對我嚟講係好有魅力嘅男士,我鍾意認真穩重類型,唔鍾意吱吱喳喳嘅男仔,如果可以同佢有更多親密戲仲好,最想係有親嘴戲!」她表示今次飾演的特務是黑客天才,亦會有打戲,笑言對自己的身手充滿信心:「我一定會做得好出色,比其他人打得更好!」

「東網巨星」fb專頁:

以抵死角度,分析各大娛樂新聞,加埋識睇一定要睇嘅網民妙論,包保享盡「Fun」秒,快啲入嚟畀Like啦。

http://www.facebook.com/onccstars

係咪齋睇相都覺得好過癮,但又覺得唔夠喉呢?為咗迎合大家求真求趣嘅口味,《東網巨星》App特別炮製咗一條勁過癮嘅視頻,仲會喺今日(11月6日)下午六點喺《東網巨星》App獨家呈獻!想睇?就要快啲Download《東網巨星》App

最強娛樂App「東網巨星」:

Android App(下載)- http://goo.gl/GqQlC2

iOS App(下載)- http://goo.gl/ItozKI

鍾意就快D Share啦!
Related Posts Plugin for WordPress, Blogger...