澳門猛人周焯華被爆再交新女伴，昨日讀者張小姐電郵爆料洗米華新女是長腿0靚模Meko Chiu，Meko前日在facebook貼出兩張照片，一張是她身處私人飛機往首爾，還晒命自揭跟「至愛」洗米華結伴同遊，另一照片則是洗米華正面相。其後Meko忽然把照片鏟走，有點此地無銀，也不排除她想乘機借此曝露女友身份爭寵。
驟眼看去Meko是謝安琪倒模，經本報昨人肉起底，Meko也是0靚模，同時兼做美容傳銷，喜愛夜蒲，長駐Magnum消遣，有指她正是在夜場邂逅洗米華，並一撻即着。據知洗米嫂今年9月中到澳洲遊學，Mandy則在英國湊女，Meko則乘虛而入姣黐洗米華，還獲安排豪遊澳門。
Meko恃着得到洗米華「點燈」，前日傍實他出發到韓國首爾參觀新賭廳，此行還有方力申和鄧麗欣到賭場登台，可以登上私人飛機的Meko得戚拍照，上載Ig晒命：「Private jet wif my luv洗米華」，相中男子背影正是洗米華，他與女助手傾談工事。Meko同時又貼出另一張照片是洗米華的正面相，估計當時是眾人在候機室等候登機。不久Meko把洗米華正面照鏟走，又將私人飛機照片的留言改為「Private jet lol」，洗米華慘被「delete」。
Meko新歡身份昨午見光即死，她立即把Ig私人飛機照刪走，同時賬戶先關閉後取消。昨午5時許，Meko又突在fb留言澄清與洗米華神秘關係：「其實我係陪朋友參加咗呢個飛（非）凡遊之旅，今次才是第一次認識華哥，華哥係我偶像，大家唔好誤會！」如Meko所言，首次認識洗米華便可獲優待同坐私人飛機，足見洗米華對她另眼相看。
身在首爾的Meko昨日接受電話訪問，聲稱此行陪男友參觀賭場，她說：「我男友係佢（洗米華）啲客，因為係貴賓，所以有機會坐私人飛機。」但她卻留言「my luv 洗米華」，Meko回答：「因為我仰慕，佢係我偶像，即係好似我見到明星。」可會怕洗米嫂介意？Meko口震震說：「就係驚呀。」
Meko的fb中留言有不少愛情金句，到底她可曾做過小三？她說：「冇喎。」Meko指男友提點她便刪相，她承認這次貼相是過失：「我大意，搞到咁大單。」那可貼男友相作澄清，她卻說：「唔方便公開。」
記者昨致電洗米嫂，她接聽後沉默數秒才說：「我0依家身在外地，唔回應。」太陽娛樂高層黃柏高也說：「周先生唔回應啦。」至於Mandy經理人Marie昨也說：「唔清楚乜事，唔回應喇。」
| 貌似謝安琪的模Meko，前日在fb貼出與洗米華同坐私人飛機的照片，背向她的洗米華正在談公事。（互聯網圖片） |  勞斯萊斯 |  林寶堅尼 |
 晒卡地亞 |  戴巨鑽戒 |  洗米華8月帶Mandy遊首爾，此行卻換了新歡Meko（資料圖片） |
|
鍾意就快D Share啦！
|
|
|
