2015年11月6日 星期五

姚子羚嫁得! 陪男友飛新加坡捧千嬅場 千嬅,姚子羚,楊千嬅,





其他影片:>>






哇! 尋日先話杏兒下個月去祠堂結婚咋喎,咁快就著婚紗啦? 非也! 今日同大家睇一睇「胡說八道會」成員其中一位,姚子羚啦!

呢日我哋就係機場見到丁子高,身邊個位女仔,大家一定以為係千嬅,錯啦,係立花子羚,sorry,係姚子羚呀! 身邊嘅男仔就係姚子羚嘅男友,的士行太子爺鄭子邦。話晒對方有成過億身家,姚子羚當然著緊啲啦,話晒自己都34歲啦喎。

據知姚子羚同鄭子邦識咗好耐,但唔係太熟,不過鄭子邦就一直對姚子羚好有好感,有次仲喺龔嘉欣個instagram入面,當眾話自己鍾意姚子羚。姚子羚梗係冧啦,加上之前嘅男友逼婚唔成,同前度斬纜之後,姚子羚就成日去鄭子邦間齋舖幫襯,仲主動幫手做義工,三兩下手勢,兩個人成功係埋一齊。

本身鄭子邦同丁子高一齊開齋舖,加埋同郭富城又係friend底,於是三個人一齊出發去新加坡撐下郭富城、楊千嬅嘅演唱會。依家姚子羚直情同千嬅、城城好熟落,睇嚟姚子羚已經融入男友鄭子邦朋友圈入面啦!同男友啲朋友都玩到咁熟,分分鐘隨時繼杏兒之後,又一位「胡說八道會」成員嫁得。
鍾意就快D Share啦!
Related Posts Plugin for WordPress, Blogger...