2016年1月2日 星期六

阿Sa「唱」舊迎新「你不是好情人」 __,阿Sa,蔡卓妍,

Twins於除夕夜開騷陪粉絲迎元旦,又唱又跳高潮迭起!
阿Sa「唱」舊迎新「你不是好情人」前晚大除夕夜,兩岸三地的倒數活動均請來巨星坐鎮,香港亦有女子組合Twins開騷陪粉絲迎元旦,騷上對半裸男舞者「上下其手」惹來一陣尖叫。分手不久的蔡卓妍(阿Sa)突然感慨表示「舊嘅唔去,新嘅點嚟」,加上高唱《你不是好情人》,疑似影射舊愛陳偉霆!Twins於除夕夜開騷陪粉絲迎元旦,又唱又跳高潮迭起!組合Twins一連五日假紅館舉行的《#TWINS#LOL#LIVEIN ...


阿Sa「唱」舊迎新「你不是好情人」

前晚大除夕夜,兩岸三地的倒數活動均請來巨星坐鎮,香港亦有女子組合Twins開騷陪粉絲迎元旦,騷上對半裸男舞者「上下其手」惹來一陣尖叫。分手不久的蔡卓妍(阿Sa)突然感慨表示「舊嘅唔去,新嘅點嚟」,加上高唱《你不是好情人》,疑似影射舊愛陳偉霆!

組合Twins一連五日假紅館舉行的《#TWINS#LOL#LIVE IN HK》演唱會前晚於大除夕夜開鑼,與觀眾倒數迎接2016年,英皇老闆楊受成與太太以情侶運動裝到場支持。蔡卓妍(阿Sa)與鍾欣潼(阿嬌)甫開場即演出多首動感快歌,炒熱現場氣氛!除了一騷招牌動作側手翻外,兩人接連做出多個高難度動作,包括人肉疊羅漢及人肉風火輪等,其後又與八位赤裸上身的男Dancers大跳貼身舞,期間更撫摸眾男的胸肌,非常大膽!

笑Shine係「死剩種」

當唱到《眼紅紅》時,同期出道的組合Shine突然現身合唱,阿Sa指今次演唱會邀請了未拆夥的組合擔任嘉賓,並笑言Twins與Shine是「死剩種」!Shine成員黃又南提到並非首次擔任Twins的個唱嘉賓,怎料阿Sa與阿嬌竟然「失憶」,自嘲有少年癡呆症!不過,Twins「補鑊」讚Shine夠義氣,事關在除夕檔期難以請嘉賓,承諾下次必定會擔任對方的個唱嘉賓。

阿嬌大玩「人肉風火輪」兼踢腿,盡騷「舞」功。
  • 阿嬌大玩「人肉風火輪」兼踢腿,盡騷「舞」功。
阿Sa撫摸「舞男」胸肌,事後指摸到手濕埋。
  • 阿Sa撫摸「舞男」胸肌,事後指摸到手濕埋。
回復單身的阿Sa全無包袱,黐到「舞男」貼一貼!
  • 回復單身的阿Sa全無包袱,黐到「舞男」貼一貼!

其後,Twins唱出《相愛六年》,阿Sa唱前感慨地說:「多謝十幾年嚟,有個咁好嘅拍檔,大家坐同一條船。」令阿嬌在獻唱時一度眼紅紅,場面感人。阿Sa又表示2015年發生了很多事情,雖然有開心的事,但亦非風平浪靜的一年,阿嬌輕輕掃她的背,阿Sa續說:「要踢走唔好嘅嘢,舊嘅唔去,新嘅點嚟!」似是暗指與陳偉霆(William)分手一事。一番感言後,兩人一齊坐上升降台升至半空演唱,恰巧選唱的歌正是《你不是好情人》,更加惹人聯想!Encore時,Twins拖手唱出成名作《女校男生》,指這首歌對十五年前剛入行的兩人非常重要:「呢首歌開始咗我哋十五年嘅旅程,希望嚟緊你哋都會一齊陪我哋行落去!」

Twins以多套戰衣上陣,不乏性感。
  • Twins以多套戰衣上陣,不乏性感。
Twins換上超短裙熱舞,擘髀毫無難度。
  • Twins換上超短裙熱舞,擘髀毫無難度。
組合Shine擔任嘉賓,卻被Twins笑言是「死剩種」。
  • 組合Shine擔任嘉賓,卻被Twins笑言是「死剩種」。

阿嬌叫咪對號入座

Twins完成首場演唱會後接受訪問,提到「送舊迎新」是否指舊愛William?阿Sa否認說:「係同所有人講嘅!唔開心嘅嘢咪踢走佢囉!大家都應該有o架!」阿嬌亦幫口叫大家不要對號入座。提到發表此番言論後即唱《你不是好情人》,難免惹人揣測,阿Sa隨即再回應:「冇諗得咁仔細喎!」並搞笑謂要問導演。至於撫摸半裸「舞男」的胸肌,阿嬌坦言覺得尷尬,阿Sa則說:「佢哋有汗好濕,摸完要洗手!(手感如何?)佢哋話我摸嗰個啲肌肉最勁,但嗰刻太快,聽日再答你!」又笑言眾「舞男」叫她隨便摸。

文:音樂組

攝:黎志輝


鍾意就快D Share啦!
Related Posts Plugin for WordPress, Blogger...