| 有招聘家庭司機的廣告，對應徵者要求多多，但人工呢.......(fb 專頁小心駕駛(討論別人駕駛態度)/設計圖片) | next 1/1 pre |
筍工人人都想做，但世事又豈能盡人意？如果一份要每周返工6日，每日做11個鐘，仲要識睇英文兼有經驗，月薪卻只得1.3萬的工作，你會不會接受。有網民在報章發現一則招聘家庭司機的廣告，對要求應徵者多多，但人工明顯不成正比，一眾網友都覺得不合理，揶揄招聘者「又要威，又要人工低」，直言「冇錢唔好學人請司機」。
根據該則招聘廣告所示，應徵者的職責除負責接送家庭成員外，亦要負責車輛日常清潔，並跟進維修保養，以及辦理驗車及車輛續牌等事宜，至於對應徵者的學歷要求就未算太高，只有中三即可，但要懂得閱讀英文及讀寫中文，具5年駕駛經驗。雖然會提供醫療保險，但每周工作6日，每日工作時間由早上8時至晚上7時，月薪為1.3萬元。貼主亦不禁留言批評，「呢份工真的有人見工嗎？」
有熟悉行情的網友指，家庭司機月薪最少要有1.8萬元，以此份工的要求，即使開價2.3萬元都要考慮下，批評招聘者「咁孤寒就唔好請司機啦」。有網民就比較其他工作，指在餐廳洗碗都以1.4萬元作起薪點，並有中場休息4小時及包三餐；有人就指做保安，薪金都是相差不遠，如果是做的士司機，每日工作11小時，可賺取的錢一定較1.3萬多，懷疑廣告可能是寫漏了「只適合退休人士」。
網民有話說
Love Badminton Sam：請到下年都請唔到……
海龜：13000搵鬼同你揸車呀？
KC Lee：咁既(嘅)offer所以請唔到人要登報紙囉
Mandy Wong：一句到尾……你有本事，工揾你！任你開條件……冇本事，人揾工？揸頸就命都要做！
Dlno No：皮三野請個日(人)做十一粒，任勞任怨既(嘅)司機，係聖人級數。
※緊貼網民熱話，掌握最熱話題，請關注網民熱話fb：
http://on.fb.me/1L3m1ro
|
鍾意就快D Share啦！
|
|
|
