1億金多寶女神也瘋狂翠如暴發潛水阿佘過校長癮
引發全城着迷的六合彩1億金多寶下周二殺到，雖然錢落誰袋有待揭盅，但視后佘詩曼、女神黃翠如與陳瀅等已為橫財夢做定部署，彩金點使點用各有心得，其中阿佘聲稱要起學校，可謂最無私、最偉大！究竟阿佘能否天降橫財於斯人也？五日後有答案！
香港賽馬會為慶祝六合彩40周年，特別推出1億金多寶，將於3月1日開彩。自消息一公布即引發全城瘋狂，1億橫財夢當前，不管你是姓甚麼，也不管你是何星座，人人各師各法度「冧巴」，當然不少得「未雨綢繆」諗定1億彩金使用方案，連視后佘詩曼、女神「翠如BB」黃翠如、陳瀅等已各有計劃，準備迎接橫財後的理想生活！
蔡思貝買Dream House
講到這個「1億夢」，視后佘詩曼相當偉大，使用方案最與眾同樂，她說：「如果我中咗1億咁開心，可能發條微博添！（會點用呢1億？）我想開間學校，可能幼稚園咁，因為我好鍾意小朋友，如果有間學校會好正囉！一返到去啲小朋友就『校長，校長』咁叫我，呢個係我嘅心願。」蔡思貝的想法則「貼地」得多，與不少香港人接軌，她毫不掩飾地說：「我中咗嘅話就乜電話都唔打，剩係打畀地產經紀！想買樓畀爹哋媽咪，希望買間Dream House，裏面要有泳池！」趁低入貨，人之常情！
陳瀅行善救助動物
至於翠如BB與男友蕭正楠雖然愛得煙韌，甚至不介意情侶檔出席活動晒恩愛，但有了1億後想法則不同，她搞笑說：「我會用1億嚟買潛艇，因為我想潛水！」另一女神陳瀅則透露會與一位心愛的人環遊世界，莫非是男友何猷亨？她說：「我會攞部分彩金同婆婆環遊世界，然後再成立幫助動物嘅組織，因為睇新聞知道有啲地方有狗肉節，我覺得好殘忍，希望諗啲方法廢除！」
女性天生購物狂，男藝人中獎又會否一樣？早前演沙僧飽歷煎熬的羅仲謙講明中獎分三份：「一份攞去置業，另一份放銀行收息，第三份攞嚟吃喝玩樂！我想買跑車、衫褲鞋襪，咁樣分配就Perfect！」
文：影視組
來源 source: http://orientaldaily.on.cc
|
鍾意就快D Share啦！
|
|
|
