| 億元狂熱，星星都有個中獎夢。 | next 1/1 pre |
 | |
| 阿佘就想做校長，認真有愛心。 | next 1/1 pre |
 | |
| 翠如就打算買潛艇，真．潛水呀！ | next 1/1 pre |
 | |
| 陳瀅一樣好有愛心，想成立幫助動物嘅組織。 | next 1/1 pre |
 | |
| 羅仲謙話會拎一部分買樓，一部分放銀行，仲有部分拎嚟吃喝玩樂，會唔會預埋女友楊怡先？ | next 1/1 pre |
 | |
| 蔡思貝就話即刻買樓畀父母呀。 | next 1/1 pre |
香港賽馬會為慶祝六合彩40周年，特別推出1億金多寶，將於3月1日開彩。自消息一公布即引發全城瘋狂，1億橫財夢當前，不管你是姓甚麼，也不管你是何星座，人人各施各法度「冧巴」，當然不少得「未雨綢繆」諗定1億彩金使用方案，連視后佘詩曼、女神「翠如BB」黃翠如、陳瀅等已各有計劃，準備迎接橫財後的理想生活！
蔡思貝夠貼地
講到這個「1億夢」，視后佘詩曼相當偉大，使用方案最與眾同樂，她說：「如果我中咗1億咁開心，可能發條微博添！（會點用呢1億？）我想開間學校，可能幼稚園咁，因為我好鍾意小朋友，如果有間學校會好正囉！一返到去啲小朋友就『校長，校長』咁叫我，呢個係我嘅心願。」蔡思貝的想法則「貼地」得多，與不少香港人接軌，她毫不掩飾地說：「我中咗嘅話就乜電話都唔打，剩係打畀地產經紀！想買樓畀爹哋媽咪，希望買間Dream House，裏面要有泳池！」趁低入貨，人之常情！
陳瀅要救小動物
至於翠如BB與男友蕭正楠雖然愛得煙韌， 甚至不介意情侶檔出席活動晒恩愛，但有了1億後想法則不同，她搞笑說：「我會用1億嚟買潛艇，因為我想潛水！」另一女神陳瀅則透露會與一位心愛的人環遊世界，莫非是男友何猷亨？她說：「我會攞部分彩金同婆婆環遊世界，然後再成立幫助動物嘅組織，因為睇新聞知道有啲地方有狗肉節，我覺得好殘忍，希望諗啲方法廢除！」
女性天生購物狂， 男藝人中獎又會否一樣？早前演沙僧飽歷煎熬的羅仲謙講明中獎分三份：「一份攞去置業，另一份放銀行收息，第三份攞嚟吃喝玩樂！我想買跑車、衫褲鞋襪，咁樣分配就Perfect！」
|
鍾意就快D Share啦！
|
|
|
