2016年2月21日 星期日

被娜姐邀上台 Eason趷籮任踢仲收蕉 __,娜姐,陳奕迅,Eason,周秀娜,



其他影片:>>






昨晚娜姐喺澳門舉行首場個唱,每晚臨尾聲時都會邀請fans上台,昨晚竟然拉咗Eason陳奕迅上台!當時娜姐係想拉台下一個人上台,咁啱就拉咗一直喺台邊嘅Eason上去,兩人跳舞,娜姐中間戴咗阿臣副眼鏡添。阿臣上到台,先嚟個自我介紹:娜姐問:Whatsyourname?阿臣:IamEason.(觀眾已歡呼)娜姐:AreyoufromMacau?阿臣:IamfromHK即係娜姐係唔識阿臣嘅,今次抽中,純屬 ...


昨晚娜姐喺澳門舉行首場個唱,每晚臨尾聲時都會邀請fans上台,昨晚竟然拉咗Eason陳奕迅上台!當時娜姐係想拉台下一個人上台,咁啱就拉咗一直喺台邊嘅Eason上去,兩人跳舞,娜姐中間戴咗阿臣副眼鏡添。

阿臣上到台,先嚟個自我介紹:

娜姐問:Whats your name?

阿臣: I am Eason.(觀眾已歡呼)

娜姐:Are you from Macau?

阿臣:I am from HK

即係娜姐係唔識阿臣嘅,今次抽中,純屬巧合,唔係夾定!

阿臣上到台,一時扮雞,一時瞓地,再嚟個蜈蚣彈,令娜姐笑到氣咳。阿臣仲買口乖話:「你想我做乜我都會做!」娜姐再問:「你有冇錢?」阿臣就拎啲錢出嚟,娜姐嫌唔夠,問佢:「More?」

期間阿臣同娜姐又一齊跳舞啦,又突然翹起pat pat俾人踢,娜姐亦毫不客氣,又打又踢佢pat pat,非常興奮。

一如之前咁多場,娜姐頒咗條蕉俾阿臣,叫佢舐。阿臣有啲尷尬,同娜姐講阿女都在場,娜姐聞言即大笑:「咁你拎番屋企啦,你自己識點用0架」最後兩人一齊跳舞一齊由台上窿窿下降消失。演唱會於00:35完場。

之後阿臣受訪,當時佢仲食住條蕉行出嚟。問佢點解俾娜姐睇中?佢話:「我喺台下跳得好high,畀娜姐睇到,娜姐嫌觀眾唔夠high,所以工作人員邀請我上台。我梗係勁興奮啦,麥當娜喎!同埋我身同感受,平時自己開演唱會都嫌啲人冇反應。好開心,好似去咗另一個空間咁!」


鍾意就快D Share啦!
Related Posts Plugin for WordPress, Blogger...