美國樂壇天后麥當娜前晚唱到澳門，首場騷吸引眾港星過江撐場，去年狠撇舊愛陳偉霆的蔡卓妍（阿Sa），現年33歲的她仍然在找尋真命天子，雖然在Twins個唱上獲老闆楊受成世姪送99支紅玫瑰示愛，但阿Sa卻堅稱對方是粉絲，噚晚冇拖拍嘅阿Sa同古巨基夫婦同行睇娜姐個唱，但場內場外卻孖姚子羚嘅有米男友鄭子邦黐實玩。早前被愛犬噬傷面嘅姚子羚跟男友鄭子邦睇騷，兩人初時見到記者避鏡頭，外號「的士邦」嘅鄭子邦係的士行太子爺，家族資產逾億，佢同丁子高合作開齋舖，故跟圈中人熟稔，入場後姚子羚同男友各自跟友人吹水，狠飛「的士陳」陳偉霆嘅阿Sa，於場內同「的士邦」吹不停甚為投契。完騷後約凌晨12時30分，眾星轉場去新濠影滙嘅Pacha繼續after party，楊千嬅夫婦、任達華夫婦，鄭希怡夫婦、關智斌、阿Sa陸續現身，「的士邦」同女友姚子羚一齊去After Party，但場內卻密密黐實阿Sa玩。開頭拎住酒杯嘅阿Sa只同友人吹水，齋望舞池但就唔落場跳舞，「的士邦」趁機埋身撩佢傾偈，用熱情徹底融化咗阿Sa，越飲越high嘅阿Sa成晚同佢形影不離，喺強勁音樂下兩人頻頻咬耳仔耳鬢廝磨，傾到興起「的士邦」更向阿Sa攬腰，進擊嘅阿Sa就回敬迷魂踭，將手踭搭喺佢膊頭上面，成個人挨喺「的士邦」身上投懷送抱。之後阿Sa助手發現有人影相，佢哋就火速行秘道閃人。
|
鍾意就快D Share啦！
|
|
|
