掃呢頁CODE去手機

2016年2月3日 星期三

搵命搏 詩雅墮冰河足本畫面流出 [FACE - 454] __,詩雅,MF,

心外壓急救詩雅被救出水面之後隨即昏迷,工作人員即時同佢做心外壓急救。真面目搵命搏 詩雅墮冰河足本畫面流出衞詩雅接拍四川衞視真人騷《怒放霸王花》,《FACE》早前率先踢爆詩雅喺拍攝期間,不慎失足跌落冰河搞到昏迷;當地電視台一直未有公開細節,最近本刊終於取得事發當日,詩雅跌落冰河的一刻,畫面驚心動魄,見到詩雅誤踩結了冰的沼澤,更迅速沉下,以及昏迷被救上水一刻。衞詩雅去年底往四川拍攝真人騷《怒放霸王花》 ...


心外壓急救詩雅被救出水面之後隨即昏迷,工作人員即時同佢做心外壓急救。真面目搵命搏 詩雅墮冰河足本畫面流出衞詩雅接拍四川衞視真人騷《怒放霸王花》,早前率先踢爆詩雅喺拍攝期間,不慎失足跌落冰河搞到昏迷;當地電視台一直未有公開細節,最近本刊終於取得事發當日,詩雅跌落冰河的一刻,畫面驚心動魄,見到詩雅誤踩結了冰的沼澤,更迅速沉下,以及昏迷被救上水一刻。衞詩雅去年底往四川拍攝真人騷《怒放霸王花》 ...


心外壓急救

詩雅被救出水面之後隨即昏迷,工作人員即時同佢做心外壓急救。

真面目

搵命搏 詩雅墮冰河足本畫面流出

衞詩雅接拍四川衞視真人騷《怒放霸王花》,《 FACE》早前率先踢爆詩雅喺拍攝期間,不慎失足跌落冰河搞到昏迷;當地電視台一直未有公開細節,最近本刊終於取得事發當日,詩雅跌落冰河的一刻,畫面驚心動魄,見到詩雅誤踩結了冰的沼澤,更迅速沉下,以及昏迷被救上水一刻。

衞詩雅去年底往四川拍攝真人騷《怒放霸王花》,要同另外 15名內地女藝人和運動員分成幾組,在海拔 3千幾米高嘅四姑娘山進行野外求生比賽。各人要喺零下十幾度兼不時刮起大風雪嘅嚴寒下追逐奔跑,喺拍攝期間已多次發生撞傷跌傷等意外。

最新圖片,詩雅失足跌落低過零下 20度冰河,全身濕透,佢形容河床好似沼澤一樣,身體一直向下沉,好彩工作人員立即拉住,否則後果不堪設想。

要喺零下 20度進行比賽,詩雅辛苦到跪喺河邊狂喊。

《怒放霸王花》 16名參加者全部女性,當中只有衞詩雅(右二)係香港藝人。

「最恐怖下面係沼澤」

昏迷消息曝光後,當地電視台仍未有交代細節,直到詩雅返港出席活動才解釋經過:「我以為係結咗冰,當我去到嘅時候,成嚿冰跌咗落去,跟住最恐怖係下面係沼澤,一路沉緊落去。」幸好當時工作人員在附近,即時將詩雅拉番上嚟,但因為詩雅當時全身被冰水浸濕,身體抵受唔住極度低溫下即時昏迷,其中一個做過軍人嘅工作人員,立即替詩雅做心外壓急救,再送到醫院,至救番條命。

詩雅同另一參加者兩人一組,要喺野外逃避追捕,不料去到冰河就發生意外。

衞詩雅回港後,上月中出席活動,講起喺四川拍攝真人騷時仍眼泛淚光。

昏迷事件曝光後,詩雅一臉素顏喺 ig報平安:「謝謝大家的關心,我應承大家之後會小心。」(網上圖片)

嗌「救命」求救

近日終於有出事時畫面流出,見到詩雅喺急流河水中跌倒,拍攝一刻已有半身跌咗落冰水,全身濕透,詩雅勉強用左手撐住河底,但原來冰河底下係沼澤同浮泥,詩雅愈用力就沉得愈快,身後的攝影師初時還未意識到,仍一直拍攝,直到詩雅叫救命先知「出事」。

而另一張照片見到詩雅已被救上岸,昏迷倒臥喺地上,旁邊工作人員拉住佢手臂,據知之後詩雅就被送到當地醫院。詩雅醒番之後,只係休息兩日就返回拍攝現場,據知她更比賽到最後階段,精神可嘉。早前詩雅回港出席活動已表示無大礙,但重提意外仍然眼濕濕,人仔真係唔易賺呀!

又喺 ig展示拍《怒放霸王花》時小腿撞到瘀晒的情況,更自嘲係內置紋身。(網上圖片)

喺高山追逐,事先要飲定「紅景天」,不過詩雅話就算飲咗,跑 1、 2分鐘仍然會喘氣,感覺缺氧。(網上圖片)

詩雅回港後,已隨即投入拍電影工作,即將上映由英皇投資嘅《暗色天堂》,仲會同張學友、林嘉欣合作。(網上圖片)

人肉起底

內地真人騷《怒放霸王花》喺 1月 17日內地首播,首次參演內地節目的詩雅,與 15名來自各界的女性進行追逐求生賽,每集分組追捕及逃跑,要喺限時內完成比賽,當中除咗追逐之外仲要野外求生,冇電話又冇備糧,類似韓國受歡迎節目《叢林的法則》咁要考驗求生技能。

真人騷播出了三集,由於全都是年青靚女,內地網民即時人肉起底,連帶詩雅演出電影《囡囡》、《前度》的性感片段都在微博瘋傳,據知電視台見詩雅有話題,即時在第四集之後加重詩雅的鏡頭。

《前度》網上圖片

韓國綜藝節目《叢林的法則》已播咗 4季,曾有唔少藝人受傷要退出。(電視畫面)

採訪、撰文:娛樂組


鍾意就快D Share啦!