| 馬蹄露真情流露，令網民感動。 | next 1/1 pre |
 | |
| 馬蹄露演技好，雖然未曾擔正，但大家一定認得佢。 | next 1/1 pre |
 | |
| 馬蹄露都可以好性感㗎！ | next 1/1 pre |
 | |
| 馬蹄露演醜角演到出神入化。 | next 1/1 pre |
 | |
| 仲拎埋1997年台慶頒獎禮第一屆嘅「我最厭惡角色獎」，勁呀！ | next 1/1 pre |
 | |
| 馬蹄露喺訪問中透露自己嘅憾事。 | next 1/1 pre |
 | |
| 仲講到落淚。 | next 1/1 pre |
 | |
| 網民激讚馬蹄露。 | next 1/1 pre |
 | |
| 話佢有獨一無二嘅氣質。 | next 1/1 pre |
 | |
| 馬蹄露自爆傷心經歷。 | next 1/1 pre |
 | |
| 不過佢依家重提，已經唔會傷心！ | next 1/1 pre |
 | |
| 女人係靚在有自信，所以你真係好靚。 | next 1/1 pre |
做主角的確係好多人嘅夢想，但係有啲配角雖然從來都冇擔正過，但係你呢一世都會記得佢，你唔單只認得佢個樣，你仲會嗌得出佢個名，佢就係馬蹄露！一向多演醜角嘅馬蹄露最近喺劇集《鐵馬戰車》入面飾演警署警長蘇珊，豁達樂天，堅毅善良，演技大獲好評。不過講到拿手，都係演醜角，演醜角演到出神入化嘅佢，仲憑經典劇集《真情》嘅May May一角拎埋1997年台慶頒獎禮第一屆嘅「我最厭惡角色獎」，你話堅唔堅！不過做戲還做戲，近日佢喺訪問度提到，一向演開醜角嘅自己亦都曾經介懷過，仲畀人傷得好深！但係現年已經47歲嘅佢，一早已經諗通睇透，仲鼓勵大家，「只要有自信嘅女人就係最靚」！
自爆傷心經歷
話說馬蹄露以前曾經試過出街畀細路仔指住嚟話「你好醜樣」，當時佢扮聽唔到，點知個細路就係驚死佢聽唔到，再指住佢同佢講多一次：「你好醜呀！」嗰時馬蹄露話佢自己惟有同個細路講：「你唔好咁樣話我啦，你咁樣話我我會好唔開心㗎！」但係其實自尊心已經傷透。而佢依家再講起呢件事，已經唔會再傷心，因為佢明白，一個人靚唔靚，係睇個心，而唔係睇個樣！反而令佢最遺憾嘅，係自己唔夠叻，唔夠努力，幫唔到爸爸買一層有三房嘅樓，期間更加透露做配角嘅辛酸，最後仲講到忍唔住流眼淚𠻹...果然係有經歷嘅女人。
網民事證力撐
網民睇完呢個訪問，當然Like爆！個個都留言鼓勵馬蹄露，同佢講：「靚在於心、品格。你已經好叻！」仲話一個人嘅價值絕對唔係喺個樣度，而係喺個心度！有網民仲開心Share咗一次向馬蹄露問路嘅事件，網民話：「馬蹄露小姐，唔知你仲記唔記得舊年11月中我在中環地鐵站唔知點搭地鐵返佐敦，當時遇到你問你，你好有耐心解釋畀我知，仲帶我落到地鐵列車入口處，雖然當時你冇化妝，但係你都肯同我影張相，喺度再一次同你講聲，唔該晒你！」um...唔知當初童言無忌嘅嗰個細路，有冇為自己講過嘅說話後悔呢？
網民有話兒：
Orxxge Nx：佢初出道時係馬路天使，用靚聲日日為好多司機服務報道交通情況。
Axxie Sux：我好喜歡馬蹄露姐姐，甜美的聲音，真摯的笑容，真誠的心，出色的演技！妳是甜美漂亮的！
Txxxy Wxxg：外表靚唔代表什（甚）麼，唔靚亦不算什（甚）麼，靚在於心、品格。你已經好叻！爸爸唔會怪你，佢一定知你已經好努力。馬蹄露加油！爸爸在看著（着）你！
Wexxx Cxxah：妳並非醜樣，就是妳那個獨一無二既（嘅）特質另（令）很好（多）人都知道妳的名字，馬蹄露！妳是一位出色演員，很喜歡妳做戲，加油！
|
鍾意就快D Share啦！
|
|
|
