全知言
笑住過肥年 新年想睇邊套戲？
新年除咗逗利是之外，去戲院揀番套賀歲片，入場笑下都係唔錯娛樂，其實今年賀歲片陣容都唔差，好似有星爺周星馳執導嘅《美人魚》、天王郭富城嘅《西遊記之孫悟空三打白骨精》，仲有卡通《恐龍大時代》，睇晒佢啦不如！
吳千語： recall《家有囍事》
今年嘅賀歲片，我梗係會揀《家有囍事》因為年年我嘅回憶裡面都係睇住喜劇長大，新年最緊要開心同有正能量，所以一定會揀一部睇完會笑住出去戲院嘅！今次《家有囍事》加長版，都會同一啲以前嘅同學、可能中學同學一齊去睇， recall我哋嘅童年回憶！
劉浩龍：最撐發哥
今年賀歲片，我最期待當然係登登登……四隻手指嘅《賭城風雲 III》！點解咁 interesting呢套戲呢？因為有賭神發哥，仲有刀仔同佢一齊喎！咁我覺得呢個畫面已經係期待已久，值回票價！所以我點都會入去睇呢套戲㗎仲有張家輝呀……
陳嘉桓：經典星爺
我會好想睇《美人魚》！因為自己以前每逢新年，電視都會播星爺嘅電影，咁今年佢終於有賀歲片再推出，所以一定會去睇嘅！因為好期待佢有啲咩經典對白再出現喇！
泳兒：卡通高質
今年比較特別啲，想睇一套卡通片，就係《恐龍大時代》！因為覺得最近卡通片質素愈來愈高，同埋一睇卡通片就會諗番以前童年嘅一啲回憶，亦都係有笑有淚嘅！
JW：想睇城城
應該就係《西遊記》因為我聽好多新聞講郭富城成個 make-up process係好辛苦！咁我由細到大又會去睇《西遊記》喎！所以我好興奮，想快啲去睇呢套！
洪卓立：《美人魚》最期待
今年賀歲片，最想睇或者最期待嘅係《美人魚》，雖然唔知講咩，但係單憑周星馳先生呢個名已經好值得期待，所以係《美人魚》㗎
街坊：王晶《賭城風雲 III》就唔睇
星爺個名響噹噹，一班街坊首選都係離唔開佢執導嘅《美人魚》，不過有市民就直指王晶套《賭城風雲 III》唔吸引
即時報料 facepop
熱線： 9222 0828
電郵：facenews@nextmedia.com
facebook： Face Magazine inbox
line、 we chat id： facemagazine
|
鍾意就快D Share啦！
|
|
|
