2016年5月31日 星期二

冧爆咀羅仲謙!低胸楊怡宣布10.2擺酒 __,羅仲謙,楊怡,

謙謙同老婆楊怡今日呢個紅噹噹Look勁襯,似唔似預演緊擺酒當日?娛圈新婚夫婦羅仲謙與楊怡於銅鑼灣出席美容中心開幕儀式,二人穿上紅色西裝及晚裝,似足一對新人!早前指有喜事宣布的他們,今日公布將於10月2日在九龍區一間酒店擺喜酒,羅仲謙笑言會「盡擺」,不過暫未知圍數。而楊怡則謂當日全日都是好日,目前忙於籌劃兄弟姊妹團。二人被司儀林盛斌問到新婚生活如何?羅仲謙說:「愉快,每日都新鮮,好似啱啱拍拖咁!」而 ...


謙謙同老婆楊怡今日呢個紅噹噹Look勁襯,似唔似預演緊擺酒當日?

娛圈新婚夫婦羅仲謙與楊怡於銅鑼灣出席美容中心開幕儀式,二人穿上紅色西裝及晚裝,似足一對新人!早前指有喜事宣布的他們,今日公布將於10月2日在九龍區一間酒店擺喜酒,羅仲謙笑言會「盡擺」,不過暫未知圍數。而楊怡則謂當日全日都是好日,目前忙於籌劃兄弟姊妹團。二人被司儀林盛斌問到新婚生活如何?羅仲謙說:「愉快,每日都新鮮,好似啱啱拍拖咁!」而楊怡則謂:「光明正大咁拍拖!」至於二人婚後可有較多的相處時間?羅仲謙謂小別勝新婚,而楊怡則直言:「搵錢緊要啲!」

婚後多Job接密密賺

二人受訪時被問到婚後首次合體出席活動,酬勞是否早前傳出的近六位數字尾?羅仲謙笑謂二人出活動一定比一人多,而阿怡就表示一定有六位數字,羅仲謙就表示:「幾年嚟都未試過。」被問婚後會否多了商演工作邀請二人合體出席?楊怡謂:「有。(內地真人騷?)有接觸,但要兩個人配合,佢要拍劇忙啲。」

擺酒後全力造人

記者笑言以為二人要宣布造人成功,羅仲謙笑謂:「下次」而楊怡就表示希望在擺酒時仍能保持身形,故婚禮後才會開始造人。談到10月2日擺酒,二人表示有擇過日,至於將擺幾多圍?楊怡說:「未,預40至50圍。(姊妹團?)想搵伍詠薇同陳敏之,而唐詩詠同馬賽就自薦!」至於兄弟團?羅仲謙說:「我啱啱先至返香港,未接觸過,但想搵吳卓羲、王浩信。」他表示有時間就會返香港幫手搞婚禮,因二人是英國影結婚相,故希望婚禮中有古堡,亦會幫忙想主題,而楊怡則透露會再挑選婚紗及裙褂。

「簽咗畀羅仲謙」

已離開無綫的楊怡被問決定簽哪一間公司?她笑言:「我簽咗畀佢(指羅仲謙),所以佢咁忙要搵錢,我嘅心態係想拍劇,都有同TVB傾,如果時間同劇本啱會拍!(保持自由身?)係,想睇多啲,依家主力休養身體。」至於可會效法佘詩曼開個人工作室?她說:「我係初哥,學習中,自由搞嘅話,我怕Handle唔到,如果有partner或者另類合作會考慮!」

聽眾爆謙謙疑撞鬼

談到有靈異電台節目的聽眾早前指當羅仲謙駕車外出時,見到其車頂上疑有兩個人形物體向她揮手,羅仲謙對此回應:「我好耐冇返香港,希望個聽眾冇事啦。」楊怡則表示:「有記者問我,佢send條(有關報道)link過嚟,但我開唔到,我擔心個聽眾多啲!」二人又指新居舒適,現時並無不妥。

在活動上,羅仲謙與楊怡手上未有戴上婚戒,他們解釋指因為不習慣配戴飾物,楊怡更謂:「做嘢擺低(婚戒)啦,貴重嘢放喺屋企!」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...