陳冠希(Edison)上年9月被爆同大陸超模秦舒培嘅合照，相中見秦舒培坐喺希哥嘅大髀，仲親密咁攬住希哥嘅膊頭，先傳出希哥戀人妻，其後有傳秦舒培同華誼兄弟時尚文化傳媒董事總經理趙磊已離婚(新聞連結：http://bit.ly/1Z9kBif )。咁啱希哥前晚被《蘋果》影到大約7點20分喺大坑出沒，同大陸超模秦舒培及一班時裝生意嘅員工食飯，二人仲一齊返上環蘇杭街The Jervois精品酒店，喺lobby等lift嗰陣，Edison終於忍唔住同秦舒培情深一吻，據知Edison同秦舒培拍拖約1年(新聞連結：http://bit.ly/1Pe1ZgW )，戀情斷正。據知大陸超模秦舒培向身邊人透露已「離婚」，未知希哥會唔會遇到「情場騙子」，根本唔知對方仲係「人妻」，噚晚秦舒培老公趙磊喺微信朋友圈發公開信，稱自己同秦舒培未離婚，即係希哥現任女友仲係人妻!秦舒培老公趙磊形容生活就好似一個笑話：「當出軌門新聞震驚著我，也震驚大家時，我在憤怒、悲傷之時，選擇聽長輩的勸導：要學會原諒學會放手學會尊重自己，做好自己就行。但在沉默的日子裡，我生活一直承受在媒體的好奇和微博閒人的嘲笑、痛苦困惑和尷尬中慢慢的度過著，看著朋友和家人為我們此事表現的失望和傷心，我還是選擇了學著豁達和忘記，實在無奈。」佢又指睇完噚日嘅報道佢忽然想問自己：「為甚麼還需要沉默，為甚麼還要尊重不值得尊重的人呢？難道為了保護一個曾經的感情，而傷害朋友家人和父母？讓無道德底線一對人可以變得肆無忌憚？更想問一聲甚麼時候出軌，變成一個光明正大?P.S 離的事還沒辦就需要我的祝福嗎？」
來源 source: http://hk.apple.nextmedia.com
|
鍾意就快D Share啦！
|
|
|
