掃呢頁CODE去手機

2016年5月31日 星期二

楊詩敏:邵子風嫌打的要$2K貴 蝦頭閃婚不「瑞」 __,邵子風,楊詩敏,蝦頭,

蝦頭話同男友邵子風一同去咗瑞士,但就未有講到呢次旅程嘅目的,搞到網民猜測佢哋係咪去瑞士秘婚。藝人楊詩敏(蝦頭)與經理人兼男友邵子風同赴瑞士,由於未有透露此行目的,加上蝦頭早前在Facebook上載紅色低胸晚裝,以及男友禮服Look照片,故引來網友猜測兩人到瑞士秘婚。澄清未做邵太蝦頭澄清自己尚未成為邵太,她說:「今次去瑞士主要係工作,因為有間公司邀請我過去為佢哋嘅晚宴做司儀同表演嘉賓,場地係間好古典 ...


蝦頭話同男友邵子風一同去咗瑞士,但就未有講到呢次旅程嘅目的,搞到網民猜測佢哋係咪去瑞士秘婚。

藝人楊詩敏(蝦頭)與經理人兼男友邵子風同赴瑞士,由於未有透露此行目的,加上蝦頭早前在Facebook上載紅色低胸晚裝,以及男友禮服Look照片,故引來網友猜測兩人到瑞士秘婚。

澄清未做邵太

蝦頭澄清自己尚未成為邵太,她說:「今次去瑞士主要係工作,因為有間公司邀請我過去為佢哋嘅晚宴做司儀同表演嘉賓,場地係間好古典嘅酒店,咁我就着得Grand啲、喜慶啲,好開心咁玩咗一晚。其實呢個Trip都算寓工作於娛樂,因為我係第一次去西歐,做完工作,去咗盧森同蘇黎世玩咗幾日。最深刻係本來想去雪山,但最終係留喺酒店遠觀,風景好優美,有機會都會再嚟,雖然我鍾意東南亞多啲,但有機會都會再去瑞士,因為仲有好多地方未去,而且呢個係值得再去欣賞同休息嘅地方!」

事業為重未諗結婚

邵子風對於網友心急他跟蝦頭婚事,他說:「我哋年紀仲好細,事業為重,唔會咁後生結婚。瑞士好靚但啲嘢好貴,最難忘搭的士由蘇黎世機場去盧森,約40分鐘車程,兌番港幣要2,400元,咁大個仔未搭過咁貴的士,夠我買機票來回香港、泰國。去完瑞士,我感受到香港嘅好,因為我唔慣餐餐食西餐,香港乜都食到,而且係不夜城,幾夜都有得食有得玩,不過瑞士景色靚,過去影相睇風景確係好地方!」


來源 source: http://hk.on.cc
鍾意就快D Share啦!