2016年5月13日 星期五

G.E.M.螢光女鬼Look JW堅讚:幾特別 __,G.E.M.,G.E.M,JW,鄧紫棋,

G.E.M.(右圖)個好友JW真係大讚對方呢個造型㗎!歌手王灝兒(JW)、岑日珈及組合BOP等,於九龍灣出席電影首映。而朱咪咪及陳偉琪等亦有到場。談到JW好友鄧紫棋(G.E.M.)日前以「螢光」打扮現身旺角拍寫真,JW即大讚對方造型特別:「佢用通訊軟件分享咗幾張造型照,幾特別,件事係靚。(效法佢?)我以前跳快歌都着過類似嘅衫。每個人年紀大咗就想試唔同嘅衫。(佢被指似螢光女鬼?)試吓,可能final ...


G.E.M.(右圖)個好友JW真係大讚對方呢個造型㗎!

歌手王灝兒(JW)、岑日珈及組合BOP等,於九龍灣出席電影首映。而朱咪咪及陳偉琪等亦有到場。談到JW好友鄧紫棋(G.E.M.)日前以「螢光」打扮現身旺角拍寫真,JW即大讚對方造型特別:「佢用通訊軟件分享咗幾張造型照,幾特別,件事係靚。(效法佢?)我以前跳快歌都着過類似嘅衫。每個人年紀大咗就想試唔同嘅衫。(佢被指似螢光女鬼?)試吓,可能final production出嚟會靚啲。」

着得開心就得

提到G.E.M.於相中豪放「腿張開」疑走光,JW稱沒有看過該相片:「冇得畀意見,試吓唔同style,佢做番自己,人生得一次,想試就試!」再講到G.E.M.近期衣着打扮都惹來網民的負評,JW說:「唔知,我哋好少傾着衫,佢自己開心同有信心着就得。(最鍾意邊個造型?)佢着粉紅色豹紋同戴貓耳彈結他,係cute!(學佢着皮褲?)等自己再瘦啲先。」

行斯文路線

問到JW會否想作新嘗試?她笑言想行斯文路線:「我之前試過漂咗成個頭,依家想行正常黑髮斯文路線,啱番歌路。(咁多啲人追?)冇咩分別。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...