江若琳到底是愛上金定愛上銀？唔好誤會，其實係，江若琳(Elanne)同大陸著名相聲演員曹雲金撻着，又接機又見家長又錫錫，戀情曝光，Elanne亦大方承認戀情。點知曹雲金噚晚突然微博貼文話，被人影到嗰個，係佢「孿生細佬」——曹雲銀！其實曹雲金都真係幾鍾意講笑，把口啷過油。佢今日接受《新浪娛樂》訪問大談女友，正經講幾句，兜番轉頭又搞下gag——但邊句真邊句假都仲分到。問佢點解會同Elanne一齊？佢話:「大家都是一個圈子裏的演員嘛。就是這麼自然的認識了，就開始了。這樣最好，很自然地往下走。其實大家也沒什麼南北方的差異，大家都是生活在地球上的人類，而且都是黃種人(笑)」(不用分得那麼細，係咪？)話就話不用分得那麼細，但始終一個香港人一個大陸，文化差異大，平時相處，係靠食溝通。「我本身也是個吃貨，廚藝也不錯，在飲食上能讓她找到家鄉的味道，經常帶她吃一些北京很有特色的小吃。」一齊幾耐？曹雲金答：「時間不長吧！」你追求佢？曹雲金即笑道:「她追我的！」貪你咩好？「除了帥還有甚麼！」至於曹媽媽對Elanne嘅評價，曹雲金代母答:「都感覺挺好的。」不過佢就未見過女友家人。平時聚少離多，曹雲金話相處還OK。至於女友旺桃花，曹曹雲星就話：「我不更好麼！開玩笑，異性緣好是好事，沒人爭的有甚麼意思。」幾時結婚生仔？佢又係笑笑口話：「太早了太早了，等下次被拍到在醫院做檢查再問這個問題吧！咋一次全都問了！」至於傳聞中嘅「老婆」，其實只係曹雲金對舊愛兼大陸女星張然嘅暱稱，兩人未婚，但手已分。總之未結婚未生仔。曹雲星仲笑言自己係「黃花閨仔」(原文係答「黃花大小夥子」……er……)一比之下，Elanne嘅回應，又真係太過正經。佢聽完曹雲金話係女追男之後，就話：「某人犯職業病，太愛搞笑，有娛樂到大家就好了。該回應的都回應過了，希望可以給我一點空間，此後繼續專注工作，再次謝謝大家關心！」
|
鍾意就快D Share啦！
|
|
|
