掃呢頁CODE去手機

2016年5月1日 星期日

【前年同劉明軒閃離】王傲山拖大肚Janny布吉再婚:我係最幸運嘅男人 __,劉明軒,王傲山,

保險才俊王傲山前年同前有線主播劉明軒閃婚閃離,回復單身無耐,已經有第二春,佢同任職證券公司嘅JannyLam一拍即合,仲求婚成功,3月王傲山仲喺FB公佈女友陀猴B嘅喜訊,今日佢哋就喺布吉結婚,正式成為夫婦。今年3月佢接受《蘋果》電話訪問,講到即將做爸爸好興奮:「多謝,Janny!o依家啱啱有咗3個月,預產期係10月,生仔生女我都鍾意,我都心急想BB出世,到時一定陪佢入產房剪臍帶。」換句話講Jann ...


保險才俊王傲山前年同前有線主播劉明軒閃婚閃離,回復單身無耐,已經有第二春,佢同任職證券公司嘅Janny Lam一拍即合,仲求婚成功,3月王傲山仲喺FB公佈女友陀猴B嘅喜訊,今日佢哋就喺布吉結婚,正式成為夫婦。今年3月佢接受《蘋果》電話訪問,講到即將做爸爸好興奮:「多謝,Janny!o依家啱啱有咗3個月,預產期係10月,生仔生女我都鍾意,我都心急想BB出世,到時一定陪佢入產房剪臍帶。」換句話講Janny今日係陀住4個月大肚出嫁。本報今日聯絡新郎哥王傲山,問佢點解揀喺布吉結婚,呢個地方係咪有情意結?王傲山話:「因為我哋搵到間酒店叫Paresa,好多個似古堡嘅resort,佢哋有個宣傳好多個天堂裏邊一個最天堂。」碰啱長假期,於是就揀日今日勞動節拉埋天窗?佢話:「我哋會留喺度十幾日放吓假,順便抖吓。」呢次婚禮主要係家人出席,所以王傲山仲搵埋外甥做兄弟。問到婚禮使費使唔使百萬,新郎王傲山話:「咦,唔講錢,咁鬼娘,我係最幸運嘅男人。」

王傲山同Janny出發去布吉結婚 婚前仲去掃首飾 Janny陀住大肚同王傲山結婚
之前已公佈懷孕
噚晚同家人食飯

鍾意就快D Share啦!