經常喺大台劇做「被強姦受害人」嘅石天欣，前年離開大台，之後就去咗迪士尼做part time，早前為撐何韻詩Lancôme風波與強國網民開火，於微博遭強國網民狂鬧醜樣奀星及唔愛國，不過石天欣無懼講真話，「唔出聲但自己唔開心，賺到錢都冇用，返唔到內地做嘢咪返唔到囉」，日前石天欣宣佈喺迪士尼last day，原來等嫁才俊。石天欣今日凌晨(約美國時間10點幾)結咗婚，同拍拖4年嘅Jacob拉埋天窗，佢話由於星期五舉行婚禮，所以唔多親友過嚟，只有少量親友見證儀式，佢同老公Jacob識咗6年，拍咗拖4年。佢接受《蘋果》錄音訪問，相當鬼馬，搞笑扮訪問老公仔，問老公叫咩名，老公乖乖配合：「Jacob!」你做咩㗎?老公亦簡短回答：「Marketing!」石天欣又指，求婚過程唔係特別浪漫，好似討論過，之後佢有認真求婚，佢喺宣誓時都有啲緊張，一開始個主持講嘅時候，都有啲想喊，不過好在最尾都冇喊。由於老公Jacob喺3年前已求咗婚，到o依家先做就唔係咁緊張，婚禮上算係有少少蝦碌，石天欣解釋：「美國呢邊要跟住講，唔係好知自己要講啲咩，我係覺得自己有啲蝦碌。」講到想唔想生BB，石天欣就話老公打算生小朋友，問到老公Jacob喺美國工作，石天欣會唔會移民退出，佢話：「一半一半，如果香港有好吸引嘅工作，我都會返香港。」
來源 source: http://hk.apple.nextmedia.com
|
鍾意就快D Share啦！
|
|
|
