掃呢頁CODE去手機

2016年7月21日 星期四

谷《寒戰 2》破紀錄 發哥發嫂做電兔跑數 [壹週刊 - 1376] __,發哥,陳薈蓮,發嫂,寒戰,周潤發,M1,

點會估得到,可以同發哥一齊睇戲之餘,仲可以影埋合照。同你吟一吟谷《寒戰2》破紀錄 發哥發嫂做電兔跑數暑假檔電影,郭富城梁家輝膽拖發哥周潤發嘅《寒戰2》,上畫十日(截止七月十七日),香港已經收過4600萭,內地更加奔六億人仔,成功打響頭炮。以咁嘅走勢,《寒戰2》隨時有機會打破以6100萬票房成為香港最賣座電影嘅《那些年》。目標為本,連唔係孭正男一嘅發哥,都好似電兔咁,周圍跑數,北京、上海、廣州、新加 ...


點會估得到,可以同發哥一齊睇戲之餘,仲可以影埋合照。

同你吟一吟

谷《寒戰 2》破紀錄 發哥發嫂做電兔跑數

暑假檔電影,郭富城梁家輝膽拖發哥周潤發嘅《寒戰 2》,上畫十日(截止七月十七日),香港已經收過 4600萭,內地更加奔六億人仔,成功打響頭炮。

以咁嘅走勢,《寒戰 2》隨時有機會打破以 6100萬票房成為香港最賣座電影嘅《那些年》。目標為本,連唔係孭正男一嘅發哥,都好似電兔咁,周圍跑數,北京、上海、廣州、新加坡巡迴宣傳,上個禮拜返到香港,又去戲院做埋謝票,落力到呢!要陪老公周圍飛出席首映禮,平日是但著出沒街市嘅發嫂陳薈蓮,亦要變裝,扮靚啲。

同老婆去睇《寒戰 2》,發哥兩公婆自己排隊俾錢買飛。

地頭蟲發嫂帶埋安樂電影老闆江志強去買手信。

唔係講笑,八珍聽外面啲 agent講,過去呢一年,有好多品牌商吼住堅 fit嘅發哥發嫂,以天價敲門,搵佢哋夫妻檔上陣拍廣告。健康就是財富,原來可以是咁的!

無論喺熟食中心醫肚,抑或去公園跑步做運動,發哥都熱情被集郵。

北京

紫色 tube dress襯黑檀木頸飾,夾埋兩萬唔使。

Monies( necklace)

Elizabeth and James( tube dress)

新加坡

巡迴宣傳之旅,周身唔得閒嘅發哥發嫂有金像美指文念中(小圖)幫手搵衫扮靚。

返到香港,同老公去九龍城買生果嘅發嫂又打回原形。

撰文:八珍


鍾意就快D Share啦!