華光航業董事長趙世光之前中風入院，與及曾接受心臟搭橋手術，病情反覆，昨日於養和醫院病逝，享年76歲，趙世光與太太何琍琍育有三女一子，包括趙式明、趙式和、趙式慶及趙式平。趙世曾對於胞弟死訊，今日回覆《蘋果》，聲線表現平靜：「佢噚日過咗身，等佢家人同傳媒講，我上個禮拜都想探佢，叫佢家人安排，但嚟唔切，聽到呢個消息，當然傷感，我哋四兄弟，走淨我一個，更加傷感。」提到胞弟病情：「佢病咗一段時間，都唔清醒好耐，之前佢都係住淺水灣，係呢排先入咗醫院，會同佢屋企人聯絡，有咩實會幫手。」而剛過去的星期日(17日)，趙世光的兒子趙式慶曾到養和醫院探望父親，當時見到心情亦有點煩燥。(新聞連結：http://bit.ly/29X0Oj2 )此外，《蘋果》曾聯絡趙世光妻子何琍琍，不過何俐俐的手提由秘書代覆，記者向秘書求證趙生死訊，秘書表示會代為通傳，而趙世光女兒式明、式平均熄了電話，暫未聯絡到。
來源 source: http://hk.apple.nextmedia.com
|
鍾意就快D Share啦！
|
|
|
