一反常態玩高調，唔通真係好似粉絲話齋好事近？
台灣女星楊丞琳早前6月4日32歲生日，佢半公開戀情嘅男主角李榮浩就好有心思咁喺零時零分，於微博寫咗一句「生日快樂」咁大把，雖然簡單到極點，但係相比起佢哋之前低調完全避談戀事，肯喺微博到傳吓情已經算係邁出咗一大步。
今日就係李榮浩嘅31歲生日，一班粉絲都等緊楊丞琳會有啲乜嘢表示？同樣喺零時零分，楊丞琳喺微博寫咗一句恭賀說話：「我家今天有人過生日。生日快樂！」呢句說話睇落簡單，當中「我家」兩個字完完全全將楊丞琳同李榮浩嘅關係交待得好清楚，粉絲們一睇到楊丞琳咁講，除咗祝福佢哋幸福之外，有唔少人順勢催婚，當中有創意嘅粉絲仲提議，楊丞琳可以趁住好姊妹陳妍希出嫁一齊搞婚禮。
來源 source: http://hk.on.cc
|
鍾意就快D Share啦！
|
|
|
