到埗同壽星薛世恆連隊幾杯後，周子揚便冇再離開過長髮索女身邊。
娛樂偵訊
法拉前夫 call 60索女陪玩 周子揚𠝹掂翻版何傲兒
上週二（ 12/7），陳法拉前夫 Neway大少薛世恆 40歲生日開 P，徵召 60索女一齊陪玩。甩拖多時的周子揚，即場𠝹掂無論身材樣貌，都同前度似到足的翻版何傲兒，全晚黐住隊酒；至於女神心穎 BB，亦貼實內地開廠的有米中佬。老死有收穫，薛世恆都冇手軟，凌晨十二點幾，再孖長髮索女轉場繼續！有着落， high爆。
假前度 watt數高
薛世恆四十歲生日 P大搞，過百賓客中索女超過一半，滿場飛，儼如揀女派對。
屬於玩腳之一的周子揚，表現比壽星還要興奮，八點幾就到，全晚與一個貌似前度何傲兒的長髮索女，形影不離。
一到埗，周子揚急住同薛世恆連隊了幾杯紅酒，之後便沒有離開過翻版何傲兒旁邊，二人坐埋一邊飲酒咬耳仔；其間，有幾個女仔朋友起哄叫長髮索女影貼紙相，周子揚亦跟到實。
周子揚咬住唔放，翻版何傲兒冧仔亦有一手，跌膊又露腰加埋熱褲晒腿，偶然撥吓頭髮， watt數十級，三兩吓手勢，已經電到周子揚暈晒浪。
心穎 BB吼中佬
甩拖周子揚有 A貨前度慰藉，同樣是生日 P賓客之一的無綫新一代女神黃心穎，在薛大少一班富貴兄弟間穿梭，物色獵物，並與其中一名身形大隻，在內地開廠經營時裝生意的有米中佬，特別好傾；對方更即場抄牌，心穎 BB成功達陣。
有咗照飲香檳
一二年因為同法拉合作過大台劇《東西宮略》，而與薛世恆熟絡的大肚陳敏之，當晚同老公拖實到場，兩公婆一身白衫白褲，襯到絕！
佗 B四個月，陳敏之大部分時間都係坐，黐住老公，飲住香檳，同李施嬅傾偈。
大肚婆特別易攰，晚上十一時多，陳敏之就同老公走先。
大少俾女圍
薛家大少搞 P一定唔失禮，過百支紅酒、香檳任飲，現場還有個放滿化妝道具的專區，擺滿帽子、頭飾、眼鏡、假髮和古靈精怪的飾品，供在場賓客變裝，並有攝影師 ready，幫賓客影貼紙相。
終於加入四十中佬大軍，同陳法拉離婚後，薛世恆先後同過廖碧兒、朱璇等傳緋聞；大少有錢冇女，現場數十 party girls整晚吼住流晒口水，壽星仔 high爆見人就隊（酒），又唧來唧去同眾女自拍。
凌晨十二點幾，飲咗唔少的他意猶未盡，拉隊轉場到銅鑼灣唱 K，包括一個全晚與他行孖咇的長髮女，亦有陪埋一齊去！
咁高咁大
同何傲兒分手後，周子揚轉食散餐，前度亦唔輸蝕，不斷收兵，二人半斤八兩。
起雙飛
早前何傲兒被拍到與兩名台灣男友人，孖住去海洋公園，兩男一女，有講有笑，一啲都唔嬲。
撰文、攝影、攝錄：娛樂組
|
鍾意就快D Share啦！
|
|
|
