2016年7月25日 星期一

Hot Talk:沙灘訓練變殘殺幼鯊 巴塞棄將人人喊打 __,

哥沙斯練習途中去殘殺鯊魚。時代進步,家陣人人都講緊愛護動物,愛錫大自然,偏偏呢個世界總係有人冇品衰格,走去殘殺動物,認真抵鬧呀!講緊係效力西乙球隊特內里費嘅中場哥沙斯,呢個前巴塞球員日前隨同大軍去到加那利群島進行沙灘特訓,不過呢個冇品賤男認真離譜,訓練途中竟然拎去魚叉,去插死一條瀕臨絕種嘅鯊魚BB,然後再高舉戰利品向隊友示威!點知呢個殘暴行為就畀人拍到擺上網,事後特內里費會方同加那利群島嘅副市長都 ...


哥沙斯練習途中去殘殺鯊魚。

時代進步,家陣人人都講緊愛護動物,愛錫大自然,偏偏呢個世界總係有人冇品衰格,走去殘殺動物,認真抵鬧呀!講緊係效力西乙球隊特內里費嘅中場哥沙斯,呢個前巴塞球員日前隨同大軍去到加那利群島進行沙灘特訓,不過呢個冇品賤男認真離譜,訓練途中竟然拎去魚叉,去插死一條瀕臨絕種嘅鯊魚BB,然後再高舉戰利品向隊友示威!

點知呢個殘暴行為就畀人拍到擺上網,事後特內里費會方同加那利群島嘅副市長都齊聲譴責哥沙斯,特內里費仲承諾會對佢作出紀律處分添。喺巴塞青訓出身,又踢過里昂同些路迪,哥沙斯雖然愈踢愈霉,但都叫做薄有名氣。依家佢做出呢種冇品行為,真係教壞細路,雖然佢肯事後道歉,但都唔值得原諒囉!


來源 source: http://hk.on.cc
鍾意就快D Share啦!
Related Posts Plugin for WordPress, Blogger...