哥沙斯練習途中去殘殺鯊魚。
時代進步，家陣人人都講緊愛護動物，愛錫大自然，偏偏呢個世界總係有人冇品衰格，走去殘殺動物，認真抵鬧呀！講緊係效力西乙球隊特內里費嘅中場哥沙斯，呢個前巴塞球員日前隨同大軍去到加那利群島進行沙灘特訓，不過呢個冇品賤男認真離譜，訓練途中竟然拎去魚叉，去插死一條瀕臨絕種嘅鯊魚BB，然後再高舉戰利品向隊友示威！
點知呢個殘暴行為就畀人拍到擺上網，事後特內里費會方同加那利群島嘅副市長都齊聲譴責哥沙斯，特內里費仲承諾會對佢作出紀律處分添。喺巴塞青訓出身，又踢過里昂同些路迪，哥沙斯雖然愈踢愈霉，但都叫做薄有名氣。依家佢做出呢種冇品行為，真係教壞細路，雖然佢肯事後道歉，但都唔值得原諒囉！
來源 source: http://hk.on.cc
|
鍾意就快D Share啦！
|
|
|
