文凱玲重拍床戲激變三級片
「新晶女郎」文凱玲與「鴨王」何浩文於新戲上演超激床戲，原本兩人的表現極具水準，但因監製王晶為求力臻完美，覺得兩人可以發揮得更好，決定重拍該場「重頭戲」，亦因此令該片由二級B變三級片！Connie除了在戲中落力演出外，連拍海報都搏到盡，赤裸上身僅以手遮點，性感尺度直逼當年邱淑貞！
33D文凱玲（Connie）於王晶監製新片《鴨王2》挑戰自己的尺度，跟「鴨王」何浩文（Dominic）有連場激戰戲，其中一場Connie更背部全裸床戰Dominic。兩人落力演出盡施渾身解數，可惜出來效果最終未能令監製王晶滿意，一聲令下重拍該場戲。由於重拍出來的效果大膽程度倍增，令電影最終由二級B變成三級片。
Connie早前接獲重拍消息後大吃一驚，因她極少拍這類激情戲，故完成拍攝後即鬆一口氣，但怎料最終要「再來一個」，令她大感吃不消。她謂：「其實第一次拍呢類戲，我已經非常緊張，都有叫我飲酒壯膽，但因為我飲酒會面紅，唔可以用呢個方法，最終只好拉住Dominic傾偈先冇咁驚，所以當我聽到重拍一刻，真係呆咗一呆。」
怕向父母交代
問Connie重拍時會否感到極大壓力？她承認：「因為拍完晒套戲之後，我成日個人都放鬆晒，亦食咗好多嘢嚟獎勵自己，所以一知道重拍，就要即刻諗點樣可以極速keep番個身形去拍，呢個係一個幾大嘅壓力。」
對於電影由二級B變三級片，Connie直言會努力做好演員本分，其他事會尊重各部門的專業決定。但她唯一擔心是拍之前跟父母表明電影是二級B，如今卻成為三級片，不知他們會否介意。她坦言以前所拍的電影，都會邀家人、親戚朋友一齊觀看，如今變成三級片，有些年紀較輕的親友便不能入場。而該片男主角Dominic則揚言不介意電影變三級片，只要電影效果好，做演員便滿足。
Connie於《鴨王2》除了有大膽床戲外，拍海報亦豁出去！其中有一張她赤裸上身僅以手遮點的相片，性感尺度直逼當年邱淑貞。Connie直言拍該輯海報時驚到「硬晒軚」：「初初影嘅時候，動作會好生硬，始終好少影呢類照片，好彩攝影師同埋當日一齊影嘅鍾采羲、唐紫睿都提我點樣擺甫士會自然啲，慢慢先識得放鬆啲。」
讚林莉嫻勤力
提到性感尺度直逼當年女神邱淑貞，Connie直言很喜歡對方：「佢真係好靚，我加入咗公司之後（王晶旗下）都特登睇番佢嘅作品，佢演戲好自然同埋真係好性感，所以好喜歡佢。」
今次新戲有不少靚女演員，當中有新人林莉嫻，雖然第一次拍戲，但備受觀眾追捧。問Connie會否擔心觀眾將林莉嫻跟自己比較？她謂：「冇所謂，愛比較係每個人都會，我相信晶哥（王晶）嘅眼光，簽入旗下嘅每個女仔定位都唔同，就算有比較都係良性競爭。（覺得林莉嫻點？）佢好好呀，係一個好勤力嘅女仔，身形亦都好靚。」
文：影視組
|
鍾意就快D Share啦！
|
|
|
