2016年8月25日 星期四

【獨家有片】高調認封盤再迫婚 34歲孫慧雪箍實有米男友買戒指 __,孫慧雪,

34歲嘅孫慧雪之前被踢同有米男友EdwinLo,原來冇分手,仲話佢哋已經喺東區共賦同居(新聞連結:http://bit.ly/2brCPvQ),但原來佢哋唔止同居,仲好事近添呀,阿雪上周日(14日),仲同Edwin去咗銅鑼灣嘅名店買婚戒喇!日前夜晚約7點幾,阿雪同Edwin喺銅鑼灣利園行街街,雖然阿雪都公開咗同Edwin拍拖,但係佢哋行街時都顯得好避忌,只係肩並肩同行,冇拖住手仔咁行。佢哋嘅第一站 ...




其他影片:>>






34歲嘅孫慧雪之前被踢同有米男友Edwin Lo,原來冇分手,仲話佢哋已經喺東區共賦同居(新聞連結:http://bit.ly/2brCPvQ ),但原來佢哋唔止同居,仲好事近添呀,阿雪上周日(14日),仲同Edwin去咗銅鑼灣嘅名店買婚戒喇!日前夜晚約7點幾,阿雪同Edwin喺銅鑼灣利園行街街,雖然阿雪都公開咗同Edwin拍拖,但係佢哋行街時都顯得好避忌,只係肩並肩同行,冇拖住手仔咁行。佢哋嘅第一站就去咗卡地亞,阿雪同Edwin一入去,店員就好熱情咁招待佢哋上咗二樓,之後店員就攞咗好多戒指俾佢哋試戴,Edwin同職員不時就俾吓意見咁,當店員行開,佢哋就按捺不住,開始打情罵俏,Edwin不時走近阿雪耳邊講嘢,阿雪聽到之後就冧咁作狀打男友,真係好Sweet㗎!睇咗約20分鐘,Edwin就扑搥俾錢,離開時,外面就落雨,佢哋就快步跑去對面,唔知係咪落雨關係,阿雪就拖住男朋友過馬路;但過完馬路,警覺性又返來囉,阿雪好自覺咁鬆開男友嘅手,不過就好有默契咁一齊行咗入Bvlgari,同樣睇咗約20分鐘,今次就空手而回。接住佢哋再行去Sogo,當時都仲落緊雨,咁Edwin就負責拎遮;見到佢都好想拖住阿雪,但阿雪見到好多人,就好避忌咁冇俾男友拖住。行到去Sogo,佢哋撞到朋友,就停下來傾咗一陣,傾完計就好快咁走入Sogo嘅Tiffany,又係試戒指,但呢次就主要係阿雪試,Edwin就係咁俾意見。試咗大概試咗30分鐘,同樣冇收穫,之後就行去利舞台方向攞車離開。事後問雪雪此行是否買婚戒,佢以WhatsApp回覆《蘋果》:「都無買到,我哋拍拖係有咁嘅方向,如果係結婚,我會同大家宣佈,多謝大家咁關心。」

阿雪孖男友Edwin一齊去買婚戒。(攝影:畢紹基、吳耀輝) Edwin喺卡地亞試咗好多戒指。 當店員行開咗,兩個就開始打情罵俏,期間阿雪仲作狀打Edwin。
阿雪好專心咁睇戒指。 Edwin就負任簽咭埋單俾錢。 之後就一齊離開卡地亞。
阿雪突然放下戒心,拖住Edwin,但好快就鬆開手。 再去Bvlgari睇手錶,但就冇收穫。 由於好多途人,阿雪刻意唔俾男友拖住行。
剛巧遇到朋友,仲好開心咁傾咗一陣偈添! 去到Sogo嘅Tiffany,阿雪就係咁試戒指。 阿雪之前被讀者拍到喺筲箕灣太安街對出避車處,跟男友Edwin喺車廂嗌大交。
阿雪同有米男友Edwin。 (資料圖片) 阿雪今年入行十年,之前佢推出噴血寫真。(資料圖片) 擁有33C上圍嘅阿雪,是不少宅男嘅女神。(資料圖片)

鍾意就快D Share啦!
Related Posts Plugin for WordPress, Blogger...