2016年8月25日 星期四

捱世界 湊埋女 「超能老豆」魏駿傑 [壹週刊 - 1381] __,魏駿傑,M1,

為咗個女,慈父魏駿傑可以跪低幫個女檢查新書包。探熱針捱世界 湊埋女 「超能老豆」魏駿傑去年魏駿傑跟細廿年的重慶嫩妻鬧婚變後,為重修舊好,一家三口搬到千萬獨立屋,力挽狂瀾。要供樓兼養妻活兒的魏駿傑,是現實版的「超能老豆」,在內地搵食,搏殺完回港就做湊女公,經常父兼母職。暑假尾聲,為女兒開學準備新文具、校服等任務,當然又是在「超能老豆」魏駿傑身上。服侍皇帝女近五張的魏駿傑常言自己老來得女,故一直對寶貝 ...


為咗個女,慈父魏駿傑可以跪低幫個女檢查新書包。

探熱針

捱世界 湊埋女 「超能老豆」魏駿傑

去年魏駿傑跟細廿年的重慶嫩妻鬧婚變後,為重修舊好,一家三口搬到千萬獨立屋,力挽狂瀾。要供樓兼養妻活兒的魏駿傑,是現實版的「超能老豆」,在內地搵食,搏殺完回港就做湊女公,經常父兼母職。暑假尾聲,為女兒開學準備新文具、校服等任務,當然又是在「超能老豆」魏駿傑身上。

服侍皇帝女

近五張的魏駿傑常言自己老來得女,故一直對寶貝女 Jessica如女王般看待。要孭起頭家,每星期又要返內地登台及巡視木材生意,其餘時間,全歸囡囡所有。

上週五(八月十九日),魏駿傑湊埋個女一齊去尖沙咀買書包,快將六歲升小一的 Jessica得母親真傳,生得一雙長腿,比同齡小朋友高大。

行書店,兩父女好好傾,不時攬實女兒的魏駿傑,連揀書包都有商有量;當 Jessica攞起粉紅色公主書包時,魏駿傑溫柔地俾晒反應,「呢個靚過紅色嗰個啦,傻豬!」

之後,魏駿傑踎低幫皇帝女調校書包帶,「呢個靚啲,我哋影張相俾媽咪睇。」 Jessica亦乖乖配合,擺個靚甫。「媽咪都話粉紅色呀。」老婆張利華雖然未有同行,但魏駿傑全程 WhatsApp匯報,請示老婆意見。

揀書包開學

再幫皇帝女影張靚相 send俾老婆睇,對住屋企兩條 Queen,魏駿傑廿四孝到盡。

未夠六歲的 Jessica生得牛高馬大,高過同齡女孩。

買完書包,父女再殺落花墟買校服。見皇帝女眼瞓,魏駿傑抱住行街。

同個女去到校服店,發現排長龍,魏駿傑兩父女惟有改期再買。

嫩妻網上賣衫

買完書包,兩父女再殺落太子,去金魚街買完水族用品,再去花墟買校服。見囡囡之前在車程中瞓咗覺,魏駿傑於是抱起 Jessica行去花墟專賣校服的「金龍」,點知鋪頭大排長龍,兩父女商量後,決定擇日重賽。

去年,嫩妻被拍下夜會前港隊單車名將鄧宏業,這段有廿年差距的忘年關係迅即亮起紅燈。要力挽婚姻的魏駿傑不惜一擲千七萬,買入一幢西貢獨立屋給老婆張利華,更開晒綠燈讓另一半發展個人事業,唔使做全職煮婦。做網上賣衫的張利華,不時做埋 model,展示新貨,又經常開心些牙吃喝玩樂歎世界照片,同老公關係得以改善,雨過天青。

愛女係佢心肝命椗,去年兩公婆鬧婚變,力挽頭家的魏駿傑贈千六萬西貢獨立屋俾老婆,今年初一家三口搬進去。

雖然錫女錫到燶,但魏駿傑唔會縱,買完書包,由個女負責攞十分鐘。

見兩父女行街唔係拖到實就係攬到實,六歲 Jessica喺老豆心目中儼如小情人。

半年前,魏駿傑在又一城陪個女買波鞋,照顧周到。

魏太張利華近年搞網上時裝,自己不時著住新貨做生招牌。

出海潛水、旅行歎世界,魏駿傑老婆好活躍。

撰文、攝影、攝錄:娛樂組


鍾意就快D Share啦!