講到素顏顏值高，以前一定會諗起嗰啲18、22歲嘅妹妹仔，佢哋啲皮膚個個白雪雪又滑嘟嘟，搞到好多媽咪級嘅女士個個又愛又恨。但係唔知幾時開始，呢班妹妹仔喺塊面搽咗成呎厚粉，眼耳口鼻個個都一樣，完全冇晒嗰種感覺；同時，嗰班18+22嘅女士，突然間成為唔少人談論嘅對象。可能大家睇到太多人工美女，搞到有啲悶，反而對嗰啲純天然嘅女士，有一種情意結，所以自然成為追捧對象。除咗48歲嘅蘇玉華頂得住班後生女外，當中佼佼者梗係同劉青雲結婚18年、一樣係48歲嘅郭藹明，婚後佢就專心做人妻，淡出幕前，不過郭藹明就算索顏上陣唔覺得有問題，反而覺得佢仲keep到白滑嘅皮膚，真係恨死唔少人。另一個係喺《我和殭屍有個約會》中飾演馬小玲而爆紅嘅萬綺雯，今年10月就46歲蚊蚊，經常喺微博貼上素顏look，喺冇打燈冇就角度冇化裸妝扮素顏嘅情況下，可以感受到嗰種natural感覺。曾經喺電影《黑馬王子》飾演沙律嘅關秀媚，想當年佢樣靚身材正，係好多少男嘅夢中情人。o依家嘅關秀媚，唔經唔覺已經50歲，雖然佢已經淡出幕前，不過天生麗質，仲keep得好好，真係令唔少女士又愛又恨。至於47歲嘅伍詠薇，雖然前排受到老公練海棠偷食嘅困擾，但係正所謂相由心生，只要你對自己有信心，完全唔受呢啲嘢影響，佢落咗妝一樣見得人，佢啲皮膚睇落光滑有彈性，keep得好。
| 圈中有唔少4字頭嘅女星仲keep得好好，素顏都見得人，化妝後更加係飲得杯落。（資料圖片） |  48歲郭藹明 |  |
 46歲萬綺雯 |  |  50歲關秀媚 |
 |  47歲伍詠薇 |  伍姑娘水着look都仲好得 |
 |
來源 source: http://hk.apple.nextmedia.com
|
鍾意就快D Share啦！
|
|
|
