2016年8月6日 星期六

【趙希洛阿媽仲猛料】歡樂今宵台柱梁小玲 同大契李司棋齊名 __,李司棋,趙希洛,

33歲嘅趙希洛07年以原名「趙嘉迪」參加香港小姐,佢因為「一女子」,被捧為大熱門,可惜最後只能夠躋身五強,不敵張嘉兒、王君馨同周美欣,只能夠係嗰名前面加「07年落選港姐」7個字。講番「一女子」,點解希洛會因為呢位女子成為熱門呢?原因好簡單,因為佢就係希洛個阿媽「梁小玲」,梁小玲係前無綫藝人,佢係1968年「麗的映聲」第二期藝員訓練班畢業生,佢啲同學就猛料囉,包括大契李司棋、黃淑儀、盧大偉同黃韻詩等 ...


33歲嘅趙希洛07年以原名「趙嘉迪」參加香港小姐,佢因為「一女子」,被捧為大熱門,可惜最後只能夠躋身五強,不敵張嘉兒、王君馨同周美欣,只能夠係嗰名前面加「07年落選港姐」7個字。講番「一女子」,點解希洛會因為呢位女子成為熱門呢?原因好簡單,因為佢就係希洛個阿媽「梁小玲」,梁小玲係前無綫藝人,佢係1968年「麗的映聲」第二期藝員訓練班畢業生,佢啲同學就猛料囉,包括大契李司棋、黃淑儀、盧大偉同黃韻詩等等,當時就講到梁小玲喺電視台人面廣,就係咁,希洛就被封為大熱門之一。記得希洛參選期間,其中一次活動就有大細契司棋姐同關菊姐出席,佢哋一見希洛都要走去同佢密斟,真係好有face架!

梁小玲除咗同司棋姐佢哋好好朋友外,佢前夫就係大家都認識嘅前藝人李道洪,佢哋離婚後,梁小玲再婚,有傳佢老公喺澳洲從事石油生意,呢位「油王」亦即係希洛嘅老竇喇!其實梁小玲當年除咗係無綫長壽節目《歡樂今宵》嘅台柱之外,佢都做過好多經典節目同劇集架,好似佢喺麗的電視年代,佢就同司棋姐一齊做過綜藝節目《金玉滿堂》,之後佢就同司棋姐先後跳槽去咗無綫。跟住就開接拍好多劇集,包括76年嘅《相見好 II》,拍檔有黃允才同王偉;78年就同李司棋、關菊英演出劇集《強人》;80年就同周潤發、鄭裕玲、關菊英一齊主演長篇劇集《親情》。

趙希洛07年參選港姐時,因媽媽梁小玲同電視台關係好,而成為大熱門。 希洛當年以原名趙嘉迪參選港姐,大契李司棋同細契關菊英都有為佢打氣。 司棋姐同梁小玲同期出道,所以都好錫希洛。
67年李司棋(左)與梁小玲(中)和黃韻詩(右)一同加盟麗的映聲藝員訓練班。(黑白圖片) 梁小玲當年是《歡樂今宵》台柱之一。(黑白圖片) 梁小玲是資深電視藝人,同肥姐(左)交情不淺。
李司棋同關菊英07年出席港姐其中一個活動。 趙希洛身材平均。 最後她只能躋身5強。
趙希洛當年就係輸咗俾張嘉兒、王君馨同周美欣。

鍾意就快D Share啦!
Related Posts Plugin for WordPress, Blogger...