演員李尚正、盧頌恩（妹姐）、麥沛東等主演的HOY全新處境劇《你的保安李寶安》今晚首播，正面對撼無綫處境劇《愛‧回家之三代同糖》。自從網民成功Foul走吳若希，又經常狠批《三代同糖》劇情節奏及氛圍不好、演員戲屎，更睇好HOY新劇會「砌低」《三代同糖》攞頭威，不過，觀乎首集後，意見好壞參半，要贏仍需努力。有網民指劇情太悶，全程都是李尚正獨腳戲，又表示：「睇咗15分鐘都係轉番台，得李寶安（李尚正飾）一個擔旗，其他角色都唔討好。」有人指妹頭啲戲麻麻，場景簡陋慳水慳片，有些對白亦相當牽強，笑料跟拍攝手法都偏向Old School，但亦有不少網民看完表示好好笑，表示會繼續追落去，有觀眾直接上網將1至4集看完。
無綫《三代同糖》今集就專登加入《開心速遞》的KC歐瑞偉與李偉健Terry同場搞Gimmick，戲中，歐瑞偉演裝修師傅之餘，仲做埋「保安」，明顯對着幹，期間有一場他與車婉婉、Terry的同場戲，Terry居然叫番歐瑞偉做「舅父」，歐瑞偉又指只有Terry明白他，明顯博觀眾憑對《開心速遞》的好感攞分。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
