藝人鄧麗欣（Stephy）率領的排球隊LOEY今午參加元朗排球聯賽女子公開組別初賽，雖然第一局Loey以25:20勝出，但第二局戰況激烈，打到24:24平手時，最終不敵以26:24輸波。最後第三局，LOEY險勝兩分成功出線。
平日有十幾個排球隊隊員的LOEY，今日僅得七位隊員到場，當中只有一人做後備。現場所見，Stephy右手戴住手繩，亦是傳聞中和同性密友「小牛」的「情侶手繩」，而Stephy的美腿，則有兩大撻瘀痕。
而在第三局Stephy為救波，不惜瞓身飛撲落地，兼且腿張開，Stephy賽後表示：「今日場波輸咗都唔緊要，因為唔會降我級，因為只係公開賽，冇上次聯賽咁緊張，咁有壓力。」由於今次公開賽LOEY還要應付多場賽事，Stephy表示能否作賽要看工作檔期。
話方力申有戲拍
談到Stephy之前出席黃柏高生日派對時，前度方力申缺席，記者對此打趣謂：「方力申避咗你唔去。」她即哈哈大笑說：「梗係唔係刻意，佢喺大陸拍緊戲，我都冇刻意去問佢去唔去。（分手後你哋試過同場未？）未試過。（驚唔驚將來同場會尷尬？）都未見到，應該唔會。（小方肯定嗰日揀做嘢先唔去Paco生日會）咩呀？梗係唔係！佢有戲拍，公司都冇刻意安排我哋唔同場。」對記者連番笑兩人一定是避開，她沒好氣講笑說：「係呀係呀，特登造就我哋唔同場。」
焗住出賽
訪問時Stephy略現疲態，喘晒氣的她更表示原本打算缺席比賽：「今日我哋得七丁友，原本我都唔諗住嚟，但因為唔夠人。」自從上次聯賽，由丙組升到乙組後，Stephy坦言成個月未有再練波，她說：「今日係我升班後打嘅第一場波，真係冇乜手感，去到第三局先覺得自己熱到身。（你哋險勝？）係呀。」
練空手道踢到瘀
談到今次公開賽有甲組、乙組、丙組等隊伍參加，對此Stephy承認：「我知道嚟緊可能要對乙組同甲組。（你打定輸數？）唔會囉，每一場我都希望自己隊波會贏，都唔會諗輸。（對腳點解瘀晒？）為咗十月拍嘅一部電影，前日去咗練空手道，要練被打同打人，仲要練忍痛精神。因為踢嘅時候踢到人哋關節，咪踢到瘀咗，當時自己踢唔覺得痛。（你對手係邊個？）歐錦棠，喺戲裏面佢都係我師傅，佢都大力打㗎，啪啪聲，當然我有墊嘢，佢都叫我唔好留力，咁我都起勢咁打。」
|
鍾意就快D Share啦！
|
|
|
