富商劉鑾雄(大劉)最近只得甘比呢位紅顏知己，陪伴在側，但原來以往除咗甘比，大劉身邊仲有呂麗君呢位紅顏知己，佢同甘比仲喺2008年仲發生過轟動全港嘅爭寵事件添！2008年10月23日，甘比為大劉誕下女兒劉秀樺（Josephine）後，連日到醫院探望甘比母女嘅大劉，都仲有同另一紅顏知己呂麗君到御用飯堂福臨門食飯撐枱腳。點知幾日之後，呂麗君就以「劉太」身份發聲明，質疑甘比女兒父親嘅身份(新聞連結： http://bit.ly/2abfhaD )。呢份聲明一出，就搞到大劉好嬲嬲豬，雖然同呂麗君同住喺白建時道大宅，但就完全冇一齊出入喇！嬲到震嘅大劉，之後就接受周刊專訪，講到呂麗君嘅聲明就好不滿，大劉更話呢件事對佢哋造成嘅傷害已經去到冇彎轉同無可補救，大劉仲話會陸陸續續處理此事。(新聞連結： http://bit.ly/2ampFNR )大劉當然講得出做得之後佢就叫咗呂麗君到灣仔華置面談，當時呂麗君就帶同一袋物品到華置，當日佢只同大劉傾咗13分鐘，傾完就坐車直返白建時道劉家大宅。(新聞連結： http://bit.ly/2anGzy2 )
來源 source: http://hk.apple.nextmedia.com
|
鍾意就快D Share啦！
|
|
|
