2016年8月1日 星期一

【他偷了我的心】張名雅婚照曝光 __,張名雅,

從此以後~無憂無求~呢排嘅娛樂圈真係可以用喜事重重嚟形容。除咗啲女神級趕住封盤,香港小姐們都係。尋日畀同為港姐冠軍嘅陳庭欣踢爆結婚嘅張名雅,接受《東網》訪問時大方承認男友已求婚,仲要成程冧豬到爆。而喺尋晚,佢仲喺fb上載同未婚夫深情對望嘅婚照,兼且寫咗句肉麻到痺嘅留言,大意係話佢未婚夫偷走咗佢個心,所以佢決定攞番人哋個姓(即係嫁畀人咯),真係甜蜜滿瀉。黃心穎話有壓力而張名雅嘅閃光彈一出,大批圈中好 ...


從此以後~無憂無求~

呢排嘅娛樂圈真係可以用喜事重重嚟形容。除咗啲女神級趕住封盤,香港小姐們都係。尋日畀同為港姐冠軍嘅陳庭欣踢爆結婚嘅張名雅,接受《東網》訪問時大方承認男友已求婚,仲要成程冧豬到爆。而喺尋晚,佢仲喺fb上載同未婚夫深情對望嘅婚照,兼且寫咗句肉麻到痺嘅留言,大意係話佢未婚夫偷走咗佢個心,所以佢決定攞番人哋個姓(即係嫁畀人咯),真係甜蜜滿瀉。

黃心穎話有壓力

而張名雅嘅閃光彈一出,大批圈中好友紛紛留言講恭喜,包括伍允龍、無綫小花黃心穎、簡淑兒、阮兒及黃建東等。而同張名雅同屆嘅亞軍黃心穎,仲用英文留言:「Congratulations once again! haha puts pressure on everyone our miss hk year!」笑言張名雅率先跑出結婚,令到佢哋呢一屆嘅港姐好有結婚壓力咁話喎!


來源 source: http://hk.on.cc
鍾意就快D Share啦!