2016年12月5日 星期一

【大開中門】54歲之之極罕玩黑色透視 千億新抱子淇化身Pink Lady __,之之,徐子淇,子淇,關之琳,

千億新抱徐子淇、大美人關之琳(之之)、何超瓊、薛芷倫、林心兒等噚晚就去咗灣仔演藝學院嘅籌款ball,其中邱德根孫女邱詠筠、賭王四房大女何超盈同Moiselle太子爺陳柏熹就有份做主席同委員搞手。啱啱過咗34歲生日嘅徐子淇同54歲嘅之之最為性感,子淇就着咗件中門大開設計嘅粉紅色連身裙,而之之更極罕着咗件黑色透視裝,露出東西半球。問到之之好少咁性感,佢笑言係陳柏熹逼佢着:「我都接受到,有時都可以性感啲 ...




其他影片:>>






千億新抱徐子淇、大美人關之琳(之之)、何超瓊、薛芷倫、林心兒等噚晚就去咗灣仔演藝學院嘅籌款ball,其中邱德根孫女邱詠筠、賭王四房大女何超盈同Moiselle太子爺陳柏熹就有份做主席同委員搞手。啱啱過咗34歲生日嘅徐子淇同54歲嘅之之最為性感,子淇就着咗件中門大開設計嘅粉紅色連身裙,而之之更極罕着咗件黑色透視裝,露出東西半球。問到之之好少咁性感,佢笑言係陳柏熹逼佢着:「我都接受到,有時都可以性感啲。」講到工作,佢話臨近聖誕都好忙,喺香港忙公司業務同做運動,要返內地做宣傳,拍廣告同剪綵。問到之之係唔係離婚令到心態變得開放咗?佢就話:「咁又唔會,我唔會變,不過工作開始咗停唔到,人活躍啲,未必唔係好事。」之前佢曾講過唔會再拍戲呢類幕前演出,之之就改口風:「明年可能返內地做綜藝節目,類似真人騷,因為嗰節目要出埠,覺得幾好玩,不過未簽,未應承實,可能會拍,都唔會擔心要太多時間,或者要用體能玩遊戲,平時有做運動,我都冇乜底線,都玩得,只要唔好太危險就得。」提到佢講過息影,之之就重新再考慮:「工作做多咗,有啲嘢反而接受返,0依家時間多咗,個人活躍咗,想做返自己鍾意嘅嘢,以前都講過唔拍電影,不過真係有啲電影劇本真係為我而寫,0依家都收到劇本,等緊一個好心動,可能會做,未應承實。」之之笑言自己10幾年咁耐冇拍戲,對住鏡頭都會驚,不過冇話想同邊個拍,記者提議佢舊拍擋劉德華,佢就笑晒:「係就定啲,有朋友喺度,冇話邊個,最緊要角色。」

攝影:盧妹 之之(左三)、丁子高(右三)、超盈(右二) 超盈
之之、Moiselle太子爺陳柏熹 徐子淇、老公李家誠 超瓊

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...