大台有好多御用角色，「人質王」係宣萱，足足被脅持過24次；「強姦案事主」石天欣走唔甩；至於「御用強姦犯」，非李天翔莫屬。
《認字特警》李天翔本來係好多小朋友嘅偶像哥哥，但自從佢離開兒童節目，改拍劇集以嚟，好多角色都係奸角，仲要奸到出汁，以致演技被受肯定，零八年仲攀上事業小高峰，出現「李天翔現象」，無論劇集定主持，幾乎全日都可以喺電視見到佢！ 但講到最令人印象深刻，肯肯定係佢「御用強姦犯」呢個朵，誇張啲講，佢就嚟強姦過大台所有女演員，對於「強姦」女藝人，佢真係駕輕就熟！
最勁嗰套係《金石良緣》，一部劇搞3個，姚子羚、朱慧敏，就連鍾嘉欣都走唔甩！仲有《鐵馬尋橋》嘅唐詩詠、 《蒲松齡》嘅李思欣都係受害人。雖然同胡定欣拍《銀樓金粉》係親熱戲，但網民一見到李天翔就先入為主，覺得似強姦戲份多啲囉！唔好話以上嗰啲視后、花旦，就連馬蹄露佢都唔放過，一於照咀！
不過喺大台捱足廿年都係換嚟「御用強姦犯」之名，而家已經40歲嘅李天翔一早決定唔續約，考咗健身教練牌嘅佢可以嘗試轉行， 或者北上發展，仲話如果亞視唔係執咗，佢都會考慮下過檔，總之邊到有機會就去邊到咁話。
來源 source: http://s.nextmedia.com
|
鍾意就快D Share啦！
|
|
|
